ଭୋପାଲ: ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା କମଲ ନାଥ ତାଙ୍କ ଭଣଜା ରତୁଲ ପୁରୀ ଗିରଫ ହେବାକୁ ନେଇ ମୁହଁ ଖୋଲିଛନ୍ତି। ରତୁଲ ୩୫୪ କୋଟିର ବ୍ୟାଙ୍କ ଜାଲିଆତି ମାମଲାରେ ଗିରଫ ହୋଇଥିବା ବେଳେ କମଲ କହିଛନ୍ତି ରତୁଲଙ୍କ ବ୍ୟବସାୟ ସହିତ ତାଙ୍କର କୌଣସି ସମ୍ପର୍କ ନାହିଁ।
କମଲ ନାଥ କହିଛନ୍ତି, “ସେମାନେ ଯେଉଁ ବ୍ୟବସାୟ କରନ୍ତି ମୋର ତା’ ସହିତ କୌଣସି ସମ୍ପର୍କ ନାହିଁ। କିନ୍ତୁ ଏହି ମାମଲା ସମ୍ପୂର୍ଣ୍ଣ ଉଦ୍ଦେଶ୍ୟମୂଳକ ଭାବେ ଚାଲିଥିବା ପରି ମନେ ହେଉଛି। ମୋର ପୂର୍ଣ୍ଣ ବିଶ୍ୱାସ ଅଛି ନ୍ୟାୟାଳୟ ଏହି ମାମଲାର ଠିକ୍ ବିଚାର କରିବେ।”
ଡିଜିଟାଲ ଡାଟା ଷ୍ଟୋରେଜ୍ କମ୍ପାନୀ ମୋଜର ବାୟରର ପୂର୍ବତନ ନିର୍ଦ୍ଦେଶକ ରତୁଲ ପୁରୀ ମନିଲଣ୍ଡରିଂ ନିରୋଧ ଆଇନ ବଳରେ ସୋମବାର ରାତିରେ ଗିରଫ ହୋଇଥିଲେ। ଏହାପରେ ମୋଜର୍ ବାୟର୍ ପକ୍ଷରୁ ପ୍ରତିକ୍ରିୟା ଦେଇ କୁହାଯାଇଥିଲା, ରତୁଲ ଗିରଫ ହେବା ଏକ ଦୁର୍ଭାଗ୍ୟଜନକ ଘଟଣା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
