ନୂଆଦିଲ୍ଲୀ: କେରଳ ବହୁ ଚର୍ଚ୍ଚିତ ଲଭ୍ ଜିହାଦ୍ ମାମଲାରେ ଶୁଣାଣି କରିଛନ୍ତି ସୁପ୍ରିମକୋର୍ଟ। କେରଳର ହାଦିୟାଙ୍କ ବାପାଙ୍କୁ ନିର୍ଦ୍ଦେଶ ଜାରି କରିଛନ୍ତି କୋର୍ଟ। ଆସନ୍ତା ନଭେମ୍ବର ୨୭ ତାରିଖରେ ହାଦିୟାଙ୍କୁ କୋର୍ଟରେ ହାଜର କରାଯାଉ ବୋଲି ନିର୍ଦ୍ଦେଶ ହୋଇଛି। ଏହାସହ ପରବର୍ତ୍ତି ଶୁଣାଣି ସେହି ଦିନ ହିଁ ହେବ ବୋଲି କୋର୍ଟ ସ୍ପଷ୍ଟ କରିଛନ୍ତି । ହାଦିୟା ଓରଫ୍ ଅଖିଲାଙ୍କୁ ତାଙ୍କ ବାପ ଘରଲୋକେ ଜୋରଜବରଦସ୍ତ ରଖିଥିବା ନେଇ ସୁପ୍ରିମକୋର୍ଟରେ ମାମଲା ଦାଏର କରିଥିଲେ ହାଦିୟାଙ୍କ ସ୍ୱାମୀ।
ପୂର୍ବରୁ ହାଦିୟାଙ୍କୁ ଧର୍ମାନ୍ତିକରଣ କରାଯାଇଥିବା ନେଇ କେରଳ ହାଇକୋର୍ଟ ରାୟ ଶୁଣାଇଥିଲେ। ଯାହା ପରେ ହାଦିୟାଙ୍କୁ ତାଙ୍କ ବାପାଙ୍କ ଦାୟିତ୍ୱରେ ଛାଡ଼ିଥିଲେ କେରଳ ହାଇକୋର୍ଟ। ସଫିନ୍ ଜାହାଁଙ୍କୁ ବିବାହ କରିବା ପରେ ହାଦିୟାଙ୍କ ଧର୍ମ ପରିବର୍ତ୍ତନ କରାଯାଇଥିବା ଅଭିଯୋଗ ହୋଇଥିଲା। ଯାହାକୁ ନେଇ ଆପତ୍ତି ଉଠାଇଥିଲେ ହାଦିୟାଙ୍କ ବାପା। ଘଟଣାରେ ଆତଙ୍କବାଦୀ ଲିଙ୍କ୍ ଥିବା ନେଇ ବି ଅଭିଯୋଗ କରିଥିଲେ ସେ। ତେବେ ଏହି ମାମଲାର ତଦନ୍ତ ବର୍ତ୍ତମାନ କେରଳ ପୋଲିସ ହାତରେ ନ୍ୟସ୍ତ କରିଛନ୍ତି ହାଇକୋର୍ଟ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
