ଶ୍ରୀନଗର: ଜମ୍ମୁକଶ୍ମୀରର ଅନନ୍ତନାଗ ଜିଲ୍ଲାରେ ଏକ ଆଇଇଡି ବିସ୍ଫୋରଣରେ ୨ ଜଣଙ୍କର ମୃତ୍ୟୁ ହୋଇଥିବାବେଳେ ୪ ଜଣ ଆହତ ହୋଇଛନ୍ତି। ଦକ୍ଷିଣ କଶ୍ମୀରର ଅନନ୍ତନାଗ ଜିଲ୍ଲା ଅନ୍ତର୍ଗତ ହାକୁରା ବୋଡ଼ାସଗାମ୍ଠାରେ ଏଭଳି ଘଟଣା ଘଟିଛି।
‘ବ୍ୟାକ୍ ଟୁ ଭିଲେଜ୍’ ନାମରେ ଏକ ସରକାରୀ କାର୍ଯ୍ୟକ୍ରମ ସମୟରେ ଏଭଳି ବିସ୍ଫୋରଣ ଘଟିଥିଲା। ଏଥିରେ ଆହତମାନଙ୍କୁ ତୁରନ୍ତ ଅନନ୍ତନାଗ ଜିଲ୍ଲା ହସ୍ପିଟାଲ ନିଆଯାଇଥିଲା।
ମଙ୍ଗଳବାର ଅପରାହ୍ଣରେ କଶ୍ମୀର ବିଶ୍ୱବିଦ୍ୟାଳୟ ସାମ୍ନାରେ ହୋଇଥିବା ଏକ ବିସ୍ଫୋରଣ ଘଟିଥିବା ସୂଚନା ମିଳିଛି। ଏଥିରେ ୩ ଜଣ ଆହତ ହୋଇଛନ୍ତି। ବିଶ୍ୱବିଦ୍ୟାଳୟର ସାର ସୟଦ୍ ଫାଟକ ନିକଟରେ ଥିବା ଏକ ମାର୍କେଟ୍ଠାରେ ଏଭଳି ବିସ୍ଫୋରଣ ଘଟିଥିଲା।
ସମସ୍ତ ଆହତଙ୍କ ସ୍ୱାସ୍ଥ୍ୟାବସ୍ଥା ବର୍ତ୍ତମାନ ସ୍ଥିର ରହିଛି। ଅଧିକାରୀଙ୍କ କହିବା ଅନୁଯାୟୀ, ଏହି ବିସ୍ଫୋରଣ ବାବଦରେ ପ୍ରାକ୍ ସୂଚନା ନଥିଲା। ତେବେ ଏହା ଗ୍ରେନେଡ୍ ଜନିତ ବିସ୍ଫୋରଣ ନୁହେଁ ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
