ଲାଲ୍‌ କିରଣରେ ଝଟକୁଥିଲା ନାଗ ସାପର ଫଣା, ଦେଖିବା ପରେ ଲୋକେ ପୂଜା କଲେ

ବେଙ୍ଗାଲୁରୁ(ଓଡ଼ିଶା ରିପୋର୍ଟର୍‌):ଫଣା ଟେକିଥିବା ଏକ ନାଗ ସାପର ମୁଣ୍ଡରୁ ବାହାରୁଥିଲା କିରଣ। ଏହାର ପୂରା ଫଣାଟି ଲାଲ୍‌ ରଙ୍ଗରେ ଝଟକୁଥିଲା। ଏହାକୁ ମଣିଯୁକ୍ତ ନାଗ ଏବଂ ଦେବତା ଭାବି ଦେଖଣାହାରୀ, ସାପଟିର ପୂଜାର୍ଚ୍ଚନା ମଧ୍ୟ ଆରମ୍ଭ କଲେ। ଫିଲ୍ମର କାହାଣୀ ନୁହେଁ, ଏପରି ଘଟଣା କର୍ଣ୍ଣାଟକର ଚିକ୍କମଗାଲୁରୁରେ ଦେଖିବାକୁ ମିଳିଛି।

ଚିକ୍କମଗାଲୁରୁର ହୋଲମାକି ଗାଁର ଲୋକେ ଏପରି ସାପକୁ ଦେଖି ପ୍ରଥମେ ଆଶ୍ଚର୍ଯ୍ୟ ହୋଇ ଯାଇଥିଲେ। ପରେ ଘଟଣାସ୍ଥଳରେ ଦେଖଣାହାରୀଙ୍କ ଭିଡ଼ ବଢ଼ିବାରେ ଲାଗିଥିଲା। କିଛି ଦେଖଣାହାରୀ ଏହାକୁ ବିରଳ ପ୍ରଜାତିର ନାଗ ସାପ ଏବଂ ଏହାକୁ ନାଗ ଦେବତାଙ୍କ ସ୍ୱରୂପ ବୋଲି ମନେ କରି ପୂଜା ମଧ୍ୟ କରିଥିଲେ।

ଏହି ସାପର ଫଟୋ ଓ ଭିଡିଓ ଏବେ ସୋଶାଲ୍‌ ମିଡିଆରେ ଭାଇରାଲ୍‌ ହେବାରେ ଲାଗିଛି। ସୂଚନା ଅନୁଯାୟୀ, ଗାଁର ଅବିନାଶ ନାମ୍ନୀ ଜଣେ ବ୍ୟକ୍ତି ବିଲରେ କାମ କରୁଥିବାବେଳେ ହଠାତ୍‌ ତାଙ୍କ କୁକୁର ଭୋକିବାର ଲାଗିଲା। କୁକୁର କାହିଁକି ଭୋକୁଛି ଜାଣିବାକୁ ଚାହିଁ ଅବିନାଶ ସେହି ସାପଟିକୁ ଫଣା ଟେକିଥିବା ଅବସ୍ଥାରେ ଦେଖିଥିଲେ। ସାପକୁ ଦେଖି ପ୍ରଥମେ ଏହା ଏକ ଭିନ୍ନ ପ୍ରଜାତିର ଜନ୍ତୁ ବୋଲି ସେ ଭାବିଥିଲେ।

ପରେ କିନ୍ତୁ ସାପ ମୁଣ୍ଡରୁ କିରଣ ବାହାରୁଥିବା ଖବର ପ୍ରଚାରିତ ହୋଇ ଯାଇଥିଲା ଏବଂ ସାପଟି ଦୀର୍ଘ ସମୟ ଯାଏ ସେହି ସମାନ ମୁଦ୍ରାରେ ରହିଥିଲା।

ତେବେ ସର୍ପ ବିଶେଷଜ୍ଞଙ୍କ କହିବା ଅନୁଯାୟୀ, ଏଥିରେ କୌଣସି ଚମତ୍କାରିତା ନାହିଁ। କାରଣ କୌଣସି ପ୍ରଜାତିର ସାପ ମୁଣ୍ଡରୁ କେବେ ବି ରଶ୍ମୀ ବା କିରଣ ବାହାରେ ନାହିଁ। ସାପ ମୁଣ୍ଡରେ ସୂର୍ଯ୍ୟଙ୍କ ରଶ୍ମୀ ପଡ଼ି ଏହା ଆଲୋକିତ ହୋଇଛି ଏବଂ ଫଣାଟି ସମ୍ପୂର୍ଣ୍ଣ ଲାଲ୍‌ ଦେଖାଯାଉଛି।

ଆହୁରି ପଢ଼ନ୍ତୁ

କଙ୍ଗନା ଓ ତାଙ୍କ ଉଭଣୀଙ୍କୁ ଜେରା କରିବ ପୁଲିସ୍‌, ପଠାଇଲା ସମନ

ଏନଡିଏକୁ ଅଲବିଦା କହିଲେ, ମମତାଙ୍କ ସହ ହାତ ମିଳାଇଲେ ଫେରାର ବିମଳ ଗୁରୁଙ୍ଗ

କେନ୍ଦ୍ର କର୍ମଚାରୀଙ୍କ ପାଇଁ ବୋନସ ଘୋଷଣା କଲେ ମୋଦି ସରକାର

କରୋନା ଟିକାର ପରୀକ୍ଷା ପାଇଁ ଜାଣିଶୁଣି ଲୋକଙ୍କୁ ସଂକ୍ରମିତ କରିବ ଏହି ଦେଶ

ଦୁଃଖ ଦେଉଛି ଗାଟେଣୀ ନଦୀ; ବର୍ଷା ବଢ଼ିଲେ ବଢ଼ୁଛି ଚିନ୍ତା

ଭାରତ ଗସ୍ତରେ ଆସିବେ ଟ୍ରମ୍ପଙ୍କ ଦୁଇ ପ୍ରମୁଖ ମନ୍ତ୍ରୀ

ସିନ୍ଧ ପୁଲିସ ମୁଖ୍ୟଙ୍କୁ ପାକିସ୍ତାନ ସେନାର ଅପହରଣ ଅଭିଯୋଗ, କରାଚିରେ ‘ଗୃହଯୁଦ୍ଧ’

ଚାଇନିଜ୍ ସେନାକୁ ହସ୍ତାନ୍ତର କଲା ଭାରତୀୟ ସେନା

ଘର ବାହାରେ ଛିଡ଼ା ହୋଇଥିଲେ, ତୀର ମାଡ଼ରେ ଟଳିପଡ଼ିଲେ

ଲାଲ୍‌ବାହିନୀର ବର୍ବର କାଣ୍ଡ; ଇନଫର୍ମର ସନ୍ଦେହରେ ମୁଣ୍ଡ ଗଡ଼ାଇଲେ

ଓପିନିଅନ ପୋଲ: ବିହାରରେ ପୁଣି ବାଜିମାତ କରିବ ଏନଡିଏ, କିନ୍ତୁ…

କୋଭିଡ୍ ଚିକିତ୍ସା ପାଇଁ କିମ୍ସ ନେଇଛି ୪୦ କୋଟି