ନୂଆଦିଲ୍ଲୀ: କିଙ୍ଗ ଖାନ୍ ଶାହାରୁଖ୍ ଖାଁଙ୍କୁ ଲସ୍ଏଞ୍ଜେଲସ ବିମାନ ବନ୍ଦରରେ ଆମେରିକାର ଇମିଗ୍ରେସନ୍ ବିଭାଗ ଅଟକ ରଖିଛି। ଶାହାରୁଖ୍ ଟ୍ୱିଟ୍ରେ ଲେଖିଛନ୍ତି,“ବିଶ୍ୱରେ ଯେଉଁଭଳି ସୁରକ୍ଷା ବ୍ୟବସ୍ଥା ରହିଛି, ମୁଁ ଏହାକୁ ସମ୍ମାନ କରୁଛି। କିନ୍ତୁ ବାରମ୍ୱାର ଆମେରିକାର ଇମିଗ୍ରେସନ୍ ବିଭାଗ ଅଟକ ରଖିବା ଦ୍ୱାରା ବିରକ୍ତି ପ୍ରକାଶ ପାଉଛି।”
ଆମେରିକାର ବୈଦେଶିକ ବିଭାଗ ଶାହାରୁଖ୍ ଖାଁକୁ ଅଟକ ରଖିବାକୁ ନେଇ ଦୁଃଖ ପ୍ରକାଶ କରିଛି।
ଶାହାରୁଖ୍ଙ୍କୁ ବିମାନବନ୍ଦରରେ ଅଟକ ରଖିବା ଏହା ପ୍ରଥମ ଘଟଣା ନୁହେଁ।
ଏହି ଘଟଣାକୁ ନେଇ କଂଗ୍ରେସ ନେତା ରାଜୀବ ଶୁକ୍ଲା ଟ୍ୱିଟ୍ରେ ଲେଖିଛନ୍ତି,“ ଶାହାରୁଖ୍ଙ୍କୁ ବାରମ୍ୱାର ବିମାନବନ୍ଦରରେ ଅଟକ ରଖିବା ଉଚିତ୍ ନୁହଁ। ଯଦି କମ୍ପ୍ୟୁଟର ଡାଟାରେ ସମସ୍ୟା ରହିଛି ତାକୁ ଠିକ୍ କର।”
ସୂଚନାଯୋଗ୍ୟ,ଏହାପୂର୍ବରୁ ଶାଖାରୁଖଙ୍କୁ ୨୦୧୨ରେ ନ୍ୟୁୟର୍କ ବିମାନ ବନ୍ଦରରେ ଇମିଗ୍ରେସନ୍ ବିଭାଗ ୨ ଘଣ୍ଟା ଅଟକ ରଖିଥିଲା। ଏହାପରେ ଆମେରିକାର କଷ୍ଟମ୍ ଏବଂ ସୀମା ସୁରକ୍ଷା ଅଧିକାରୀ ଶାହାରୁଖ୍ଙ୍କୁ ଅଟକ ରଖିବା ନେଇ ଗଭୀର ଦୁଃଖ ପ୍ରକାଶ କରିଥିଲା।