ନୂଆଦିଲ୍ଲୀ: ପାକିସ୍ଥାନରେ ଗୁପ୍ତଚର ବୃତ୍ତି କରୁଥିବା ଅଭିଯୋଗରେ କରାଚି ଜଲ୍ରେ ବନ୍ଦୀ ଜୀବନ ବିତାଉଥିବା କୁଳଭୂଷଣଣ ଯାଦବଙ୍କୁ କ୍ରିସ୍ମାସ୍ ଭେଟି ଦେବାକୁ ଯାଉଛି ପାକିସ୍ଥାନ। ପାକ୍ ସରକାର ଯାଦବଙ୍କ ପତ୍ନୀ ଓ ମା’ଙ୍କୁ ଭିସା ଦେବାକୁ ଯାଉଛନ୍ତି। ଏହି ଭିସା ବଳରେ ଚଳିତ ମାସ ୨୫ ତାରିଖରେ ମା’ ଓ ପତ୍ନୀଙ୍କୁ ଭେଟିପାରନ୍ତି କୁଳଭୂଷଣ।
ଭାରତ ସରକାରଙ୍କ ବିଦେଶ ମନ୍ତ୍ରଣାଳୟ ପକ୍ଷରୁ ପୂର୍ବରୁ କୁହାଯାଇଥିଲା ଯେ, ଯଦି କୁଳଭୂଷଣଙ୍କ ମା’ ଓ ପତ୍ନୀଙ୍କୁ ପାକିସ୍ତାନ ଯିବାକୁ ଅନୁମତି ଦିଆଯାଉଛି, ତେବେ ସେମାନଙ୍କ ସୁରକ୍ଷା ଗ୍ୟାରେଣ୍ଟି ଦିଆଯିବା ଆବଶ୍ୟକ। ବିଦେଶ ମନ୍ତ୍ରୀ ଭି.କେ.ସିଂହ ଏହି ମନ୍ତବ୍ୟ ଦେଇଥିଲେ।
ସମ୍ପ୍ରତି ଭାରତ ପକ୍ଷରୁ ଉପରୋକ୍ତ ଖବର ଶୁଣିବା ପରେ ଏ କଥା ମଧ୍ୟ କୁହାଯାଇଛି ଯେ, ଏହି ଦୁଇ ମହିଳାଙ୍କୁ ସୁରକ୍ଷା ଦେବା ଆଳରେ ଯେଭଳି କୌଣସି ପ୍ରଶ୍ନୋତ୍ତର କରା ନ ଯାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
