ବାର ବର୍ଷର ତପସ୍ୟା ଶୁଖୁଆ ପୋଡ଼ାରେ ଗଲା: ଗୁଜରାଟରେ କଂଗ୍ରେସ୍‌ ଗାଡ଼ିରେ ଲାଗିପାରେ ବ୍ରେକ୍‌

ଦୀର୍ଘ ୨୨ ବର୍ଷ ପରେ ଗୁଜରାଟ ହାତେଇବାକୁ ‘ହାତ’ର ସବୁ ଉଦ୍ୟମ ସଫଳ ହେବାକୁ ଯାଉଥିଲା। କଂଗ୍ରେସର ନିର୍ବାଚନୀ ଆକ୍ରମଣକୁ କାଟିବାକୁ ବାଟ ପାଉ ନଥିଲା ବିଜେପି। ମାତ୍ର ଗୋଟିଏ ବୟାନ ‘ବାର ବର୍ଷର ତପସ୍ୟା ଶୁଖୁଆ ପୋଡ଼ାରେ ଗଲା’ ସ୍ଥିତିକୁ ନେଇ ଆସିଛି। ବିନା ମେନିଫେଷ୍ଟୋରେ ନିର୍ବାଚନକୁ ଓହ୍ଲାଇଥିବା ବିଜେପିକୁ ସଞ୍ଜିବନୀ ମିଳିଯାଇଛି। ଆଉ ଶହେ ଶହେରେ ଦୌଡୁଥିବା ‘ହାତ’ର ଗାଡ଼ରେ ସତେ ଯେମିତି ବ୍ରାକ୍‌ ଲାଗିଯାଇଛି। ମାତ୍ର କେଉ ଘଣ୍ଟାରେ ସବୁକିଛି ଓଲଟ ପାଲଟ ହୋଇଯିବା ପରି ଲାଗୁଛି।

ଏବେ ଘଟଣାକୁ ଯିବା। ଗତକାଲି କଂଗ୍ରେସର ବରିଷ୍ଠ ନେତା ମଣିଶଙ୍କର ଆୟର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ଦେଶ୍ୟରେ ‘ନିଚ’ ଶବ୍ଦ ବ୍ୟବହାର କରିଥିଲେ। ଏହାପରେ ବିଜେପି ଏପରି ବୟାନକୁ ନେଇ କଂଗ୍ରେସ୍‌କୁ କାଠଗଡ଼ାରେ ଛିଡା କରାଇଦେଇଛି। ଏପରି ବିବାଦୀୟ ବୟାନ ଆସିବା ପରେ କଂଗ୍ରେସ୍‌ ଆୟରଙ୍କୁ ଦଳର ପ୍ରାଥମିକ ସଦସ୍ୟ ପଦରୁ ନିଲମ୍ବିତ କରିଦେବା ସହ କାରଣ ଦର୍ଶାଅ ନୋଟିସ୍‌ ଜାରି କରିଛି। ରାହୁଲ ଗାନ୍ଧି ମଧ୍ୟ ଟ୍ୱିଟ୍‌ କରି ବୟାନକୁ ନିନ୍ଦା କରିବା ସହ କ୍ଷମା ମାଗିବାକୁ କହିଛନ୍ତି। ହେଲେ ଗୁଜରାଟରେ ବୁଡି ଯାଉଥିବା ପଦ୍ମ ଡଙ୍ଗାକୁ ସମ୍ଭାଳି ନିର୍ବାଚନୀ ଦରିଆ ପାରି ହେବାକୁ ଆୟରଙ୍କ ବୟାନରେ ଗଣ୍ଠି ପକାଇ ଲାଗି ପଡ଼ିଛି ବିଜେପି।

ନିଜେ ମୋଦି ଏହି ବୟାନକୁ ନେଇ ଆଗକୁ ଆସିଛନ୍ତି। ଆଉ ସେ ଯାହା କହିଛନ୍ତି, ନିମିଷକରେ ଗୁଜରାଟବାସୀଙ୍କ ହୃଦୟ ବଦଳାଇ ଦେବାକୁ ସକ୍ଷମ। ସୁରଟରେ ଏକ ନିର୍ବାଚନୀ ରାଲିରେ ମୋଦି ଏପରି ବୟାନକୁ ନେଇ କଂଗ୍ରେସ୍‌କୁ ଖ୍ଡଗ ହସ୍ତରେ ନେଇଛନ୍ତି। ରାଲିରେ ଉଦ୍‌ବୋଧନ ଦେଇ ମୋଦି କହିଛନ୍ତି- “ଆୟର କହୁଛନ୍ତି ମୋଦି ନିଚ ଜାତିର। ଏହା ଗୁଜରାଟର ଅପମାନ। ମୋଗଲ ସଂସ୍କାର ବାଲାଙ୍କୁ, ମୋ ପରି ଲୋକେ ଭଲ କପଡ଼ା ପିନ୍ଧିବା ସହ୍ୟ ହେଉନି। ଆପଣ ମୋତେ ‘ଗଧ’ ଓ ‘ଗନ୍ଧି ନାଲୀ କେ କିଡା’ କହିଲ। ୧୮ ତାରିଖରେ ଭୋଟ୍‌ବାକ୍ସ କହିବ ଗୁଜରାଟର ପୁଅକୁ ଅପମାନ କରିବା ପ୍ରତିଶୋଧ କିପରି ନିଆଯାଏ।”

ସୂଚନାଯୋଗ୍ୟ, ଗୁଜରାଟରେ ହାର୍ଦ୍ଦିକଙ୍କ ସମେତ ୩ ଯୁବନେତା ଦିନକୁ ଦିନ ଲୋକପ୍ରିୟ ହେଇଥିବାବେଳେ ଏମାନଙ୍କ କାନ୍ଧରେ ବନ୍ଧୁକ ରଖି ରାହୁଲ ଜାତିବାଦର ଗୁଳି ମାରିଥିଲେ। ସବୁ ଜାଣୁଥିଲେ ମଧ୍ୟ ମୋଦି ଓ ବିଜେପି ନିରୂପାୟ ହୋଇ କେବଳ ଦେଖଣାହାରୀ ସାଜିଥିଲେ। ଏଥିପାଇଁ ମୋଦିଙ୍କ ସମେତ ୫୦ ମନ୍ତ୍ରୀ ଗୁଜରାଟରେ ନିର୍ବାଚନୀ ବୈତରଣୀ ପାର ହେବାକୁ ଦିନରାତି ଏକ କରିଦେଇଛନ୍ତି। ଏହାସତ୍ତ୍ୱେ ଲାଗୁଥିଲା କଂଗ୍ରେସର ୨୨ ବର୍ଷର ବନବାସ, ୧୮ ତାରିଖରେ ଶେଷ ହେବାକୁ ଯାଉଛି। ଏତିକି ବେଳେ ମଣିଶଙ୍କରଙ୍କ ପାଟି ତାଙ୍କ ବୋଲ ମାନିଲା ନାହିଁ ଓ କୌଣସି ନେତା ଯେଉଁ କଥା କହିବାକୁ ପସନ୍ଦ କରିବେ ନାହିଁ ସେ କହିଦେଲେ।

ଆହୁରି ପଢ଼ନ୍ତୁ

ଫେବୃଆରୀ ସୁଦ୍ଧା ଅଧା ଭାରତୀୟ କରୋନାରେ ଆକ୍ରାନ୍ତ ହୋଇପାରନ୍ତି: ସରକାରୀ ପ୍ୟାନେଲ

ମଉଳି ଗଲା ଲ’ ଛାତ୍ରୀଙ୍କ ଲଭଷ୍ଟୋରୀ, ମାରିଦେଲା ପ୍ରେମିକ

ପୁଲିସ୍‌ ଇନସପେକ୍ଟରଙ୍କୁ ଗୁଳି କରି ଆତଙ୍କୀଙ୍କ ହତ୍ୟା

ଚାଇନାକୁ ଚେକ୍‌: ଭାରତୀୟ ନୌସେନାର ଯୁଦ୍ଧାଭ୍ୟାସରେ ସାମିଲ ହେବ ଅଷ୍ଟ୍ରେଲିଆ

ମଇଁଷି ଉପରେ ବସି ଆସିଲେ, ନିର୍ବାଚନ ପାଇଁ ନାମାଙ୍କନ ଦାଖଲ କଲେ

ଉପମୁଖ୍ୟମନ୍ତ୍ରୀଙ୍କ ପରିବାରର ୭ ଜଣଙ୍କୁ କରୋନା, ପୁଅଙ୍କ ଅବସ୍ଥା ସାଂଘାତିକ

ବ୍ୟାନ୍‌ ପରେ ପୁଣି ଫେରିଲା ଟିକଟକ୍‌

ୟୁପି ଗୁଳିକାଣ୍ତ: ଅଭିଯୁକ୍ତଙ୍କୁ ସମର୍ଥନ କରିବାରୁ ବିଜେପି ବିଧାୟକଙ୍କୁ ନଡ୍ଡାଙ୍କ ନୋଟିସ

ପୂଜା ମଣ୍ଡପକୁ ଲୋକଙ୍କ ପାଇଁ ନୋ-ଏଣ୍ଟ୍ରି ଜୋନ୍ ଘୋଷଣା କଲେ କୋର୍ଟ

କରୋନାର ସମ୍ଭାବ୍ୟ ଚିକିତ୍ସା ପଦ୍ଧତି ବାହାର କରିଥିବା ନାବାଳିକା ଜିତିଲେ ୨୫ ହଜାର ଡଲାର୍‌

ଗଞ୍ଜେଇ ଖାଇଲେ ଫୁସଫୁସର କ୍ଷତି କରିପାରିବ ନାହିଁ କରୋନା!

ଲଦାଖରୁ ଧରାପଡ଼ିଲେ ଚାଇନା ଯବାନ, ପ୍ରତିରକ୍ଷା ଦସ୍ତାବିଜ୍ ମିଳିଲା