ପାଣାଜି: ଗୋଆର ଦିବଂଗତ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ପୁଅ ରାଜନୀତିରେ ପାଦ ଥାପିବେ ବୋଲି ଶନିବାର ପରୋକ୍ଷରେ ଇଙ୍ଗିତ କରିଛନ୍ତି। ବାପାଙ୍କର ଅବଦାନ ରାଜ୍ୟ ଓ ଦେଶ ପାଇଁ ରହିଛି। ଆଗକୁ ତାଙ୍କୁ ଅନୁସରଣ କରିବି ଏବଂ ତାଙ୍କର ଉତ୍ତରାଧିକାରୀ ହେବା ପାଇଁ ଚେଷ୍ଟା କରିବି ବୋଲି କହିଛନ୍ତି ପାରିକରଙ୍କ ପୁଅ ଉତ୍ପଲ।
ପାରିକରଙ୍କ ଦେହାନ୍ତ ପରେ ଖାଲି ପଡ଼ିଥିବା ଆସନରେ ସାଧାରଣ ନିର୍ବାଚନ ସହ ଉପନିର୍ବାଚନ ହେବ। ଏହି ସ୍ଥାନରେ କିଏ ପ୍ରାର୍ଥୀ ହେବ ସେ ନେଇ ଗୋଆ ରାଜନୀତି ସରଗରମ ଥିବାବେଳେ ଉତ୍ପଲଙ୍କ ଏଭଳି ବୟାନ ଚର୍ଚ୍ଚା ପାଇଁ ଖୋରାକ ଯୋଗାଇଛି।
ପାରିକରଙ୍କ ଦେହାନ୍ତ ତାଙ୍କ ପରିବାରରେ ଏକ ବଡ଼ ଶୁନ୍ୟ ସ୍ଥାନ ସୃଷ୍ଟି କରିଛି ବୋଲି ପୁଅ ଉତ୍ପଲ ଓ ଅଭିଜିତ କହିଛନ୍ତି। ଦୁଇ ପୁଅ ଆହୁରି କହିଛନ୍ତି, ପାରିକରଙ୍କ ଉଦ୍ଦେଶ୍ୟରେ ଆସିଥିବା ଅସଂଖ୍ୟ ଚିଠି ଓ ମେସେଜ ଦେଖି ଆମେ ନିଜକୁ ଏକ ବଡ଼ ପରିବାରର ଅଂଶ ବୋଲି ଅନୁଭବ କରୁଛୁ।
ଏହି ଅବସରରେ ପାରିକରଙ୍କ ଶେଷକୃତ୍ୟ ବେଳେ ସେନା ପକ୍ଷରୁ ଦିଆଯାଇଥିବା ସମ୍ମାନ ପାଇଁ ସେନା ବାହିନୀଙ୍କୁ ସେମାନେ କୃତଜ୍ଞତା ଜଣାଇଛନ୍ତି। ତା ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଶେଷକୃତ୍ୟ ପାଇଁ ଆସିଥିବା କେନ୍ଦ୍ରମନ୍ତୀ ଓ ଅନ୍ୟାନ୍ୟ ଅତିଥିଙ୍କୁ ଧନ୍ୟବାଦ ଜଣାଇଛନ୍ତି ଅଭିଜିତ ଓ ଉତ୍ପଲ।
— Manohar Parrikar Memorial (@manoharparrikar) March 30, 2019
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
