ନ୍ୟୁଜ୍ ଚ୍ୟାନେଲକୁ ବ୍ୟାପିଲା କରୋନା, କୋଠା ସିଲ୍

ନୂଆଦିଲ୍ଲୀ: ଉତ୍ତର ପ୍ରଦେଶର ନୋଏଡା ଜିଲ୍ଲା ତଥା ଦିଲ୍ଲୀ ଓ ଉତ୍ତର ପ୍ରଦେଶର ସୀମାରେ ଥିବା ଏକ ଜାତୀୟ ଘରୋଇ ନ୍ୟୁଜ୍ ଚ୍ୟାନେଲର ୨୮ ଜଣ କର୍ମଚାରୀ ତଥା ସାମ୍ୱାଦିକ କରୋନାରେ ଆକ୍ରାନ୍ତ ହୋଇଛନ୍ତି। ଅନ୍ୟପଟେ ଆଜି ନୋଏଡାରୁ ମୋଟ୍ ୩୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ୨୮ ଆକ୍ରାନ୍ତ ସାମ୍ୱାଦିକଙ୍କୁ କ୍ୱାରେଣ୍ଟାଇନରେ ରଖାଯାଇଛି। ଏବେ ସଂପୃକ୍ତ ନ୍ୟୁଜ ଚ୍ୟାନେଲକୁ ସିଲ୍ କରାଯାଇଥିବା ଜଣାପଡ଼ିଛି। ୨୮ ଆକ୍ରାନ୍ତଙ୍କ ମଧ୍ୟରୁ ୧୫ ଜଣ ନୋଏଡାର ହୋଇଥିବାବେଳେ ୧୩ ଜଣ ଦିଲ୍ଲୀର।

ଏହାବାଦ୍ ଗ୍ରେଟର ନୋଏଡାର ଦୁଇ ବଡ଼ ମୋବାଇଲ କମ୍ପାନୀର ମୋଟ୍ ୧୧ ଜଣ କର୍ମଚାରୀ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି। ଗୋଟିଏ ମୋବାଇଲ କମ୍ପାନୀର ୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ ୮ ଜଣ ଗୌତମବୁଦ୍ଧ ନଗରର ହୋଇଥିବାବେଳେ ଜଣେ ଗାଜିଆବାଦର। ସେହିପରି ଆଉ ୨ ଜଣ ଆଉ ଏକ ମୋବାଇଲ କମ୍ପାନୀର। ଏବେ ଏହି ଦୁଇ ମୋବାଇଲ କମ୍ପାନକୁ ସିଲ୍ କରି ଦିଆଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।