ନୂଆଦିଲ୍ଲୀ: ଭାରତର ମିଶନ୍ ଶକ୍ତି ଅପରେଶନରେ ଆଣ୍ଟି ସ୍ୟାଟେଲାଇଟ୍ ମିସାଇଲ୍ ନିମ୍ନ ଭୂକକ୍ଷରେ ଅବସ୍ଥାପିତ ଏକ ସକ୍ରିୟ ସ୍ୟାଟେଲାଇଟ୍କୁ ନଷ୍ଟ କରିବାରେ ସଫଳ ହୋଇଛି। ଏହି ସଫଳତା ପରେ ଭାରତ ଏବେ ଚୀନ୍, ଆମେରିକା ଓ ରୁଷ ସମକକ୍ଷ ହୋଇଯାଇଛି।
ତେବେ ଭାରତର ଏହି ମହାକାଶ ବିଜୟରେ ଚୀନ୍ ଓ ତା’ର ବନ୍ଧୁ ପାକିସ୍ତାନ ଡରିଯାଇଛନ୍ତି। ଉଭୟ ଦେଶ ଭାରତକୁ ଶାନ୍ତି ସ୍ଥାପନ ପାଇଁ କହିବା ସହ ନୂଆଦିଲ୍ଲୀ ଯେମିତି ଏହାର ଅପବ୍ୟବହାର ନ କରିବ, ସେକଥା ନିଶ୍ଚିତ କରିବାକୁ କହିଛନ୍ତି।
ପାକିସ୍ତାନ ସରକାରଙ୍କ ମୁଖପାତ୍ର ଏକ ବିବୃତି ଜାରି କରି କହିଛନ୍ତି ଯେ “ପାକିସ୍ତାନ ମହାକାଶରେ ଅସ୍ତ୍ରଶସ୍ତ୍ର ଠୁଳ କରିବାକୁ ବିରୋଧ କରେ। ମହାକାଶରେ ଶାନ୍ତି ସ୍ଥାପନ କରିବା ସବୁ ଦେଶର ଦାୟିତ୍ୱ। ଯେଉଁ ଦେଶ ଅତୀତରେ ଅନ୍ୟ ରାଷ୍ଟ୍ରଗୁଡ଼ିକ ଦ୍ୱାରା ଏଭଳି ଆଚରଣକୁ ବିରୋଧ କରୁଥିଲା,ଏବେ ସେହି ଦେଶ ଏଭଳି କାମ କରୁଛି। ଆଶା ଉକ୍ତ ଦେଶ ଅନ୍ତର୍ଜାତୀୟ ସ୍ଥିରତାକୁ ଅଧିକ ଗୁରୁତ୍ୱ ଦେବା ସହ ମହାକାଶରେ ଯେମିତି କୌଣସି ଅସ୍ଥିରତା ସୃଷ୍ଟି ନ ହେବ, ସେକଥା ନିଶ୍ଚିତ କରିବା ଦରକାର।”
ଚୀନ୍ ସିଧାସଳଖ ଭାରତକୁ ସମାଲୋଚନା କରି ନଥିଲେ ହେଁ ମହାକାଶରେ ଶାନ୍ତି ଓ ସ୍ଥିରତା ବିଜୟୀ ରଖିବା ସମସ୍ତର କର୍ତ୍ତବ୍ୟ ବୋଲି କହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
