ନୂଆଦିଲ୍ଲୀ: ଭାରତର ବହୁ ପ୍ରତିକ୍ଷୀତ ପ୍ରଥମ ବୁଲେଟ୍ ଟ୍ରେନ ପ୍ରକଳ୍ପର ଆଜି ଶିଳାନ୍ୟାସ ହେବ। ଜାପାନ ପ୍ରଧାନମନ୍ତ୍ରୀ ସିଂଜୋ ଆବେ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତିରେ ଅହମ୍ମଦାବାଦରେ ଏହି ପ୍ରକଳ୍ପର ଶିଳାନ୍ୟାସ କରାଯିବ। ଅହମ୍ମଦାବାଦ-ମୁମ୍ବାଇ ମଧ୍ୟରେ ଚାଲିବ ଏହି ଟ୍ରେନ୍। ଦୀର୍ଘ ୫୦୮ କିଲୋମିଟର ଲମ୍ବର ଏହା ହେଉଛି ମୁମ୍ବାଇ-ଅହମ୍ମଦାବାଦ ହାଇ ସ୍ପିଡ ରେଳ ପ୍ରୋଜେକ୍ଟ। ଏହି ରେଳପଥ ମଧ୍ୟରେ ୧୨ଟି ଷ୍ଟେସନ ରହିବ। ଟ୍ରେନର ସର୍ବାଧିକ ଡିଜାଇନ ସ୍ପିଡ୍ ୩୫୦ କିଲୋମିଟର ଥିବା ବେଳେ ଅପରେଟିଂ ସ୍ପିଡ୍ ପ୍ରତିଘଣ୍ଟାରେ ୩୨୦ କିଲୋମିଟର ରହିବ। ସୀମିତ ରହଣି ସହିତ ଅହମ୍ମଦାବାଦ ମୁମ୍ବାଇ ପହଞ୍ଚିବାକୁ ମାତ୍ର ୨ଘଣ୍ଟା ୭ମିନିଟ୍ ସମୟ ଲାଗିବ। ଯଦି ସବୁ ଷ୍ଟେସନରେ ରହଣି କରେ ତେବେ ୨ ଘଣ୍ଟା ୫୮ ମିନିଟ୍ ଲାଗିବ। ଏହି ପ୍ରକଳ୍ପ ପାଇଁ ୧ଲକ୍ଷ ୧୦ହଜାର କୋଟି ଟଙ୍କା ବ୍ୟୟ ବରାଦ ହୋଇଛି। ଡିସେମ୍ବର ୨୦୨୩ ସୁଦ୍ଧା ଏହାକୁ ପୂର୍ଣ୍ଣ କାର୍ଯ୍ୟକ୍ଷମ କରିବାକୁ ଲକ୍ଷ୍ୟ ରକ୍ଷାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
