ମେଟ୍ରୋମ୍ୟାନ୍‌ଙ୍କ ସହ ବୁଲିଲେ ମୋଦି

<p>ମେଟ୍ରୋ ଟ୍ରେନ୍ ଚଳାଚଳ କ୍ଷେତ୍ରରେ ଯୋଡ଼ି ହୋଇଛି ଭାରତର ଆଉଏକ ସହର। ଆଜିଠାରୁ କେରଳର କୋଚି ସହରରେ ମେଟ୍ରୋ ଟ୍ରେନ୍ ଗଡ଼ିଛି। ଆଜି ସକାଳୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପଲାରିଭାତମ୍ ଷ୍ଟେସନରେ ପତାକା ହଲାଇ କୋଚି ମେଟ୍ରୋଟ୍ରେନ୍ ସେବାକୁ ଦେଶବାସୀଙ୍କ ଉଦ୍ଦେଶ୍ୟରେ ସମର୍ପଣ କରିଛନ୍ତି।</p> <p>ପ୍ରଥମ ପର୍ଯ୍ୟାୟରେ ପଲାରିଭାତମରୁ ଆଲୁଭା ପର୍ଯ୍ୟନ୍ତ ୧୩.୨ କିଲୋମିଟର ଦୂରତା ଅତିକ୍ରମ କରିବ ଏହି ମେଟ୍ରୋ। ୧୧ଟି ଷ୍ଟେସନ ଦେଇ ଏହି ମେଟ୍ରୋଟ୍ରେନ୍ ଚଳାଚଳ କରିବ। ଏହି ଉଦ୍&zwnj;ଘାଟନ ଉତ୍ସବରେ ମୋଦିଙ୍କ ସହ ଭାରତର ମେଟ୍ରୋମ୍ୟାନ ଭାବେ ପରିଚିତ ଇ.ଶ୍ରୀଧରନ୍ ମଧ୍ୟ ଉପସ୍ଥିତ ଥିଲେ। ଏହି ମେଗା ପ୍ରକଳ୍ପ ପାଇଁ ୫ ହଜାର ୧୮୧ କୋଟି ଟଙ୍କ। ଖର୍ଚ୍ଚ ହୋଇଛି। ତେବେ କୋଚି ମେଟ୍ରୋକୁ ନେଇ ଏବେ ଚର୍ଚ୍ଚା ଜୋର ଧରିଛି। ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ଏହି ମେଟ୍ରୋରେ ଯାତ୍ରୀ ପାଇ ପାରିବେ ଅତ୍ୟାଧୁନିକ ସୁବିଧା। ଆସନ୍ତୁ ଜାଣିବା କୋଚି ମେଟ୍ରୋ ବିଷୟରେ କିଛି ନୂଆ ତଥ୍ୟ।</p> <p>[vc_video link=&quot;&quot; align=&quot;center&quot;]</p> <p>ମେଟ୍ରୋ ଟ୍ରେନ୍ ସେବା ଆରମ୍ଭ ହେବା ଦ୍ୱାରା କୋଚିରେ ଟ୍ରାଫିକ୍ ସେବାରେ ଉନ୍ନତି ଆସିବ। ପୂର୍ବଭଳି ଆଉ ବେଶି ଭିଡ଼ ରହିବ ନାହିଁ। ଏହି ମେଟ୍ରୋକୁ ଏପରି ଭାବେ ଡିଜାଇନ୍ କରାଯାଇଛି ଯେ ଏହା ଭିତରେ ସାଇକେଲ ଓ ମୋଟର ସାଇକେଲ ଚାଲି ପାରିବା ଭଳି ସ୍ଥାନ ରହିଛି। ଏପରିକି ପାର୍କିଂ ପାଇଁ ସ୍ୱତନ୍ତ୍ର ଭାବେ ନିର୍ମାଣ କରାଯାଇଛି ଏହି ମେଟ୍ରୋକୁ। ମେଟ୍ରୋ କରିଡରରେ ଦୁଇ କିଲୋମିଟର ପର୍ଯ୍ୟନ୍ତ ପୁଟଫ।ଥ୍ ମଧ୍ୟ ନିର୍ମାଣ କରାଯାଇଛି।</p> <p>କୋଚି ମେଟ୍ରୋ କାର୍ଡରେ ଖାଲି ଟ୍ରେନ୍ ନୁହେଁ ବସ୍&zwnj;ରେ ମଧ୍ୟ ଯାତ୍ରା କରିପାରିବେ। ଏପରିକି ଏହି କାର୍ଡକୁ ବ୍ୟାଙ୍କ ସହ ମଧ୍ୟ ଲିଙ୍କ୍ କରାଯାଇ ପାରିବ। ଏହି କାର୍ଡକୁ ବିଭିନ୍ନ ଜିନିଷ କିଣିବା ପାଇଁ କିପରି ବ୍ୟବହାର କରାଯାଇ ପାରିବ ତାକୁ ନେଇ ଯୋଜନା ପ୍ରସ୍ତୁତ ହେଉଛି।</p> <p>ଦେଶର ପ୍ରଥମ ମେଟ୍ରୋ ଭାବେ ବିଭିନ୍ନ ପଦପଦବୀରେ କିନ୍ନର ମାନଙ୍କୁ ନିଯୁକ୍ତି ଦିଆଯାଇଛି। ମେଟ୍ରୋ ପାଇଁ ଯେପରି ପରିବେଶ ପ୍ରଦୂଷଣ ନ ହୁଏ ସେଥିପ୍ରତି ମଧ୍ୟ ଧ୍ୟାନ ରଖାଯାଇଛି। ସେଥିପାଇଁ ମେଟ୍ରୋ ଚଳାଚଳ କରୁଥିବା ଅଞ୍ଚଳରେ ବିଭିନ୍ନ ଗଛ ଲଗାଯାଇଛି।</p> <p>କୋଚି ମେଟ୍ରୋ ପାଇଁ ଏକ ସ୍ୱତନ୍ତ୍ର ଆପ୍ ଲଞ୍ଚ୍ କରାଯାଇଛି ଯାହା ମାଧ୍ୟମରେ ଯାତ୍ରୀମାନେ ମେଟ୍ରୋ ସହ ଜଡ଼ିତ ସମସ୍ତ ଖବର ପାଇପାରିବେ।</p> <p>&amp;nbsp;</p>