ଆଙ୍ଗୁଠି ଦେଖାଇ ବିବାଦରେ ମୋଦି, ଆପତ୍ତି ଉଠାଇଲା ହାତ

<p>ନୂଆଦିଲ୍ଲୀ:ସରିଯାଇଛି ଗୁଜରାଟ ବିଧାନସଭା ନିର୍ବାଚନ। &nbsp;ଗୁରୁବାର ଦ୍ୱିତୀୟ ତଥା ଶେଷ ପଯର୍ୟାୟରେ ୬୮.୭ ପ୍ରତିଶତ ମତଦାନ ହୋଇଛି । &nbsp;ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଭୋଟ ଦେବା ପରେ ଖୋଲା ଗାଡିରେ ଯିବା ସହ ଭୋଟ କାଳି ଲାଗିଥିବା ଅଙ୍ଗୁଠି ଦେଖାଇଦେବାକୁ ନେଇ ଦେଖାଦେଇଛି ବିବାଦ।</p> <p>ସେପଟେ ଇଭିଏମ୍&zwnj;ରେ ସିଲ ହୋଇଛି ୮୫୧ ପ୍ରାର୍ଥୀଙ୍କ ଭାଗ୍ୟ। &nbsp;ମତଦାନ ପାଇଁ ଆଜି ସକାଳୁ ସକାଳୁ ବୁଥ୍ ଆଗରେ ଭୋଟର ଲାଇନ୍ ଦେଖିବାକୁ ମଲିଥିଲା। ଅହମ୍ମଦାବାଦ୍&zwnj;ରେ &nbsp;ଧାଡିରେ ଛିଡ଼ା ହୋଇ ଭୋଟ ଦେଇଥିଲେ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀଙ୍କ ୯୫ ବର୍ଷୀୟ ମାଆ ହୀରା ବେନ୍ ଗାନ୍ଧିନଗର ବୁଥ୍&zwnj;କୁ ଯାଇ ନିଜ ମତାଧିକାର ସାବ୍ୟସ୍ତ କରିଥିଲେ। ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହ, ଅର୍ଥମନ୍ତ୍ରୀ ଅରୁଣ ଜେଟଲି, ବରିଷ୍ଠ ନେତା ଲାଲକୃଷ୍ଣ ଆଡଭାନୀ, ଗୁଜରାଟ ଉପମୁଖ୍ୟମନ୍ତ୍ରୀ ନୀତିନ ପଟେଲ, ପୂର୍ବତନ ମୁଖ୍ୟମନ୍ତ୍ରୀ ଆନନ୍ଦୀ ବେନ୍ ପଟେଲ, ଗୁଜରାଟ କଂଗ୍ରେସ ସଭାପତି ଭରତସିଂ ସୋଲାଙ୍କି ପ୍ରମୁଖ ନିଜ ନିଜ ବୁଥ୍&zwnj;କୁ ଯାଇ ଭୋଟ୍ ଦେଇଥିଲେ।</p> <p>ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭୋଟ ଦେବା ପରେ ଖୋଲାଗାଡିରେ ଯିବା ଓ ଭୋଟ କାଳି ଲାଗିଥିବା ଆଙ୍ଗୁଠି ପ୍ରଦର୍ଶନ କରିବା ନେଇ ଦେଖାଇବାକୁ ନେଇ ଆପତ୍ତି ଉଠାଇଛି କଂଗ୍ରେସ । &nbsp;ଭୋଟ୍ ଦେବା ପରେ ମୋଦି ରୋଡ୍ ସୋ କରିବା ନିର୍ବାଚନ ଆଚରଣବିଧିର ଖୋଲା ଉଲ୍ଲଙ୍ଘନ ବୋଲି ଦଳ କହିଛି । ନିର୍ବାଚନ କମିଶନ ମଧ୍ୟ ପ୍ରଧାନମନ୍ତ୍ରୀ ଓ ପିଏମ୍ଓ ଚାପରେ କାମ କରୁଥିବା ଦଳ ଅଭିଯୋଗ ଆଣିଛି। &nbsp;ସେପଟେ ଗତକାଲି ରାହୁଲ ଗାନ୍ଧି ଏକ ଟେଲିଭିଜନ ଚାନେଲକୁ ସାକ୍ଷାତକାର ଦେବା ପ୍ରସଙ୍ଗକୁ ନେଇ କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦଙ୍କ ନେତୃତ୍ୱରେ ବିଜେପି ପ୍ରତିନିଧି ଦଳ ନିର୍ବାଚନ କମିଶନଙ୍କ ନିକଟରେ ଫେରାଦ ହୋଇଛି।</p>