ଜମ୍ମୁ-କଶ୍ମୀରରେ ପୁଞ୍ଜି ନିବେଶ କରିବେ ଅମ୍ବାନୀ, ଗଠନ କରିବେ ସ୍ୱତନ୍ତ୍ର ଟିମ୍‌

ନୂଆଦିଲ୍ଲୀ: ଜମ୍ମୁ-କଶ୍ମୀର ଏବଂ ଲଦାଖରେ ପୁଞ୍ଜି ନିବେଶ କରିବ ରିଲାଏନ୍ସ ଇଣ୍ଡଷ୍ଟ୍ରୀଜ୍‌ ଲିମିଟେଡ୍‌। ଆଗାମୀ ଦିନରେ ଏନେଇ ଏକ ବଡ଼ ଘୋଷଣା କରାଯିବ ବୋଲି ସୂଚନା ଦେଇଛନ୍ତି ଏହି କମ୍ପାନୀର ଅଧ୍ୟକ୍ଷ ମୁକେଶ ଅମ୍ବାନୀ। ସେ କହିଛନ୍ତି ଏହି ନିବେଶର ପରିଚାଳନା ପାଇଁ ଏକ ସ୍ୱତନ୍ତ୍ର ଟାସ୍କ ଫୋର୍ସ ମଧ୍ୟ ଗଠନ କରାଯିବ।

ରିଲାଏନ୍ସର ଆନୁଆଲ ଜେନେରାଲ ମିଟିଙ୍ଗରେ ଅମ୍ବାନୀ ଏହି ଘୋଷଣା କରି ଜିଓ ଫାଇବର ସର୍ଭିସ୍‌ ଲଞ୍ଚ ହେବା ବାବଦରେ ମଧ୍ୟ କହିଛନ୍ତି। ସେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନ କ୍ରମେ ଆମେ ଜମ୍ମୁ କଶ୍ମୀର ଏବଂ ଲଦାଖର ଜନସାଧାରଣଙ୍କ ଆବଶ୍ୟକତା ପୂରଣ ପାଇଁ ପ୍ରତିଶ୍ରୁତିବଦ୍ଧ।

ସୂଚନାଯୋଗ୍ୟ ଯେ, ମୋଦି ୩୭୦ ଧାରା ଉଚ୍ଛେଦ ପରେ ଦେଶକୁ ସମ୍ବୋଧନ କରି କହିଥିଲେ ବର୍ତ୍ତମାନ ଏହି ଦୁଇ କେନ୍ଦ୍ର ଶାସିତ ଅଞ୍ଚଳରେ ନିବେଶ ବୃଦ୍ଧି କରାଯାଇ ସ୍ଥାନୀୟ ବାସିନ୍ଦାଙ୍କ ଅର୍ଥନୀତିକ ବିକାଶ କରାଯିବ। ସେ ଆହୁରି ମଧ୍ୟ କହିଥିଲେ ପୂର୍ବ ଭଳି ଦେଶବିଦେଶର ଫିଲ୍ମ ନିର୍ମାତାମାନେ ଜମ୍ମୁ-କଶ୍ମୀର ଏବଂ ଲଦାଖରେ ଶୁଟିଂ କରିବାକୁ ଆଗଭର ହେବେ। ସେହିପରି ପର୍ଯ୍ୟଟନ ଏବଂ ଅନ୍ୟ ଶିଳ୍ପ ମଧ୍ୟ ବିକଶିତ କରାଯିବ ବୋଲି ସେ କହିଥିଲେ।

ପୂର୍ବରୁ ଟ୍ରାଇଡେଣ୍ଟ ଗ୍ରୁପ୍‌ ମଧ୍ୟ ଜମ୍ମୁ-କଶ୍ମୀରରେ ୧ ହଜାର କୋଟି ଟଙ୍କା ନିବେଶ କରିବ ବୋଲି କହିଥିଲା। ୩୭୦ ଉଚ୍ଛେଦର ୨ ଦିନ ପରେ ଏହି ଘୋଷଣା କରାଯାଇଥିଲା। ଏହି ଗ୍ରୁପ୍‌ର ଅଧ୍ୟକ୍ଷ ରାଜିନ୍ଦର ଗୁପ୍ତା ଏକ ଟିଭି ଚ୍ୟାନେଲକୁ ସାକ୍ଷାତକାର ଦେଇ କହିଥିଲେ, ପ୍ରତ୍ୟକ୍ଷ ଏବଂ ପରୋକ୍ଷ ଭାବେ ଆମେ ୧୦ ହଜାର ଲୋକଙ୍କୁ ନିଯୁକ୍ତି ଦେବୁ।

ଆହୁରି ପଢ଼ନ୍ତୁ

ସପିଂ ମଲ୍‌ରେ ଭୟଙ୍କର ଅଗ୍ନିକାଣ୍ଡ

ପିଆଜ ଚୋରି କରିବାକୁ ଯାଇ ଧରାପଡ଼ିଲେ ୨ ଯୁବକ

ମାଗଣା ମିଳିବ କରୋନା ଟିକା? ବିହାର ପରେ ମଧ୍ୟପ୍ରଦେଶ ଓ ତାମିଲନାଡୁ

ଅଭିନେତାଙ୍କୁ ଛୁରୀ ଭୁସି ହତ୍ୟା, ମିଳିଲା ରକ୍ତାକ୍ତ ମୃତଦେହ

୧,୭୨,୦୦୦ ବର୍ଷ ତଳେ ଥର ମରୁଭୂମିରେ ଥିଲା ଗୋଟେ ନଈ

ଫିଲ୍ମ ଷ୍ଟାଇଲ୍‌ରେ ୧୫ କୋଟି ଟଙ୍କାର ମୋବାଇଲ ଭର୍ତ୍ତି ଟ୍ରକ୍‌ ହାଇଜ୍ୟାକ

ଲେହ’କୁ ଚାଇନାର ଦେଖାଇଲା ଟ୍ୱିଟର, ଚିହିଁକି ଉଠିଲେ ଭାରତ ସରକାର

ମହିଳା କ୍ରିକେଟରଙ୍କ ନିଆରା ୱେଡିଂ ଫଟୋଶୁଟ୍

ମା’ଙ୍କୁ ପିଟିବାରୁ ବାପାଙ୍କୁ ବାଡ଼େଇ ମାରିଦେଲା ନାବାଳିକା ଝିଅ

କେବଳ ବିହାରରେ ମାଗଣା ଟିକା? ବିଜେପି ପ୍ରତିଶ୍ରୁତି ନେଇ ବିବାଦ ତୀବ୍ର

‘ନାଗ’ ଆଣ୍ଟି ଟ୍ୟାଙ୍କ ଗାଇଡେଡ୍‌ ମିସାଇଲର ସଫଳ ପରୀକ୍ଷଣ, ସ୍ଥଳସେନାରେ ହେବ ସାମିଲ

ନିର୍ବାଚନ ପୂର୍ବରୁ ବିହାର ଉପମୁଖ୍ୟ ମନ୍ତ୍ରୀ ସୁଶୀଲ କୁମାର ମୋଦିଙ୍କୁ କରୋନା