ନାଗାସାକି: ଅଗଷ୍ଟ ୬ରେ ପ୍ରଥମ ପରମାଣୁ ବୋମା ପଡିଥିଲା ଜାପାନାର ହିରୋସୀମା ସହରରେ। ଦ୍ୱିତୀୟ ବୋମାଟି ଅଗଷ୍ଟ ୯ରେ ପଡିଥିଲା ଜାପାନର ଦ୍ୱିତୀୟ ସହର ନାଗାସାକିରେ। ଆଉ ଆଜି ଏହି ଘଟଣାକୁ ପୂରିଛି ୭୦ ବର୍ଷ। ନାଗାସାକି ପରମାଣୁ ବୋମା ପଡିବାର ୭୦ ବର୍ଷ ପୂର୍ତ୍ତି ପାଳନ କରିଛି। ଏଥିପାଇଁ ଉକ୍ତ ଆକ୍ରମଣରୁ ବର୍ତ୍ତି ଯାଇଥିବା ତଥା ବର୍ତ୍ତମାନ ଜୀବିତ ଥିବା ଲୋକଙ୍କ ସହିତ ୭୫ଟି ଦେଶର ପ୍ରତିନିଧି ଓ ଅନ୍ୟମାନେ ଏକାଠି ହୋଇଥିଲେ ନାଗାସାକିର ‘ପିସ୍ ପାର୍କ’ରେ। ପାର୍କରେ ଥିବା ଏକ ସୁଉଚ୍ଚ ଧଳା ସ୍ମୃତି ସ୍ତମ୍ଭ ସମ୍ମୁଖରେ ଏମାନେ ସକାଳ ଠିକ୍ ୧୧ଟା ୨ ମିନିଟରେ କିଛି ସମୟ ପାଇଁ ନିରବ ପ୍ରାର୍ଥନା କରିଥିଲେ। ୭୦ ବର୍ଷ ତଳେ ଠିକ୍ ଏହି ସମୟରେ ହିଁ ଆମେରିକା ନାଗାସାକି ସହର ଉପରେ ପରମାଣୁ ବୋମା ‘ଫ୍ୟାଟ୍ ମ୍ୟାନ୍’କୁ ଫୋପାଡିଥିଲା। ଏଥିରେ ୭୦ ହଜାରରୁ ଅଧିକ ଲୋକଙ୍କ ମୃତ୍ୟୁ ଘଟିଥିଲା । ସୂଚନାଯୋଗ୍ୟ, ଏହାର ତିନିଦିନ ପୂର୍ବରୁ ହିରୋସୀମାରେ ହୋଇଥିବା ପରମାଣୁ ଆକ୍ରମଣରେ ୧ଲକ୍ଷ ୪୦ ହଜାରରୁ ଅଧିକ ଲୋକ ପ୍ରାଣ ହରାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
