ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି ଇଉରୋପିଆନ୍ କାଉନସିଲ ସଭାପତି ଡୋନାଲ୍ଡ ଫ୍ରାନସିସ୍ଜେକ୍ ଟସ୍କ ଓ ଇଉରୋପିଏନ୍ କମିସନ୍ ସଭାପତି ଜିନ୍ କ୍ଲାଉଡି ଜନ୍କେର। ପ୍ରଧାନମନ୍ତ୍ରୀ ମୋଦିଙ୍କ ନିମନ୍ତ୍ରଣ ପରେ ତିନି ଦିନିଆ ଭାରତ ଗସ୍ତରେ ଆସିଛନ୍ତି ଇଉରୋପିଅ କାଉନସିଲ ସଦସ୍ୟ ଓ ସଭାପତି। ଇଉରୋପିଅ ସଂଘ ସହ ଉଚ୍ଚସ୍ତରୀୟ କମିଟି ବି ମୋଦିଙ୍କୁ ଭେଟିଛନ୍ତି।
ମୋଦିଙ୍କ ସହ ବୈଠକରେ ଆତଙ୍କବାଦ ଦମନ ସମ୍ପର୍କରେ ଆଲୋଚନା ହୋଇଥିଲା। ଏହା ବ୍ୟତୀତ ମୁକ୍ତ ବ୍ୟାପାର ଚୁକ୍ତି ସମ୍ବନ୍ଧରେ ବି ଆଲୋଚନା ହୋଇଛି। ଏହି ଅବସରରେ ବୈଦେଶିକ ବ୍ୟାପର ମନ୍ତ୍ରୀ ସୁଷମା ସ୍ୱରାଜଙ୍କ ସହ ଦ୍ୱିପାକ୍ଷିକ ଆଲୋଚନା ବି କରିଛନ୍ତି ଭ୍ରମଣକାରୀ ପ୍ରତିନିଧି।
ଭାରତ ଏବଂ ଇଉରୋପ କୁଟନୈତିକ ସମ୍ପର୍କର ୫୫ ବର୍ଷ ପୂର୍ତ୍ତି ହୋଇଥିବା ଯୋଗୁଁ ଏହି ବୈଠକ ଏହାର ଗୁରୁତ୍ୱ ଆହୁରି ବଢ଼ାଇ ଦେଇଛି। ବୈଠକ ପୂର୍ବରୁ ପ୍ରତିନିଧି ଦଳ ରାଜଘାଟରେ ଜାତିର ପିତା ମହାତ୍ମା ଗାନ୍ଧିଙ୍କ ସମାଧୀ ସ୍ଥଳରେ ବାପୁଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।