ଆସନ୍ତାକାଲି ଆସିବ ନୂଆ ‘ଟ୍ରିପଲ ତଲାକ୍‌’ ବିଲ୍‌

ନୂଆଦିଲ୍ଲୀ: ପୂର୍ବ ଏନ୍‌ଡିଏ ସରକାର ସମୟରେ ରାଜ୍ୟସଭାରେ ପାରିତ ହୋଇପାରିନଥିବା  ‘ଟ୍ରିପଲ ତଲାକ୍’ ବିଲ୍‌ ନୂଆ ରୂପରେ ଆସନ୍ତାକାଲି ଲୋକସଭାରେ ଆଗତ ହେବ। ମୁସଲିମ୍ ମହିଳା (ବିବାହ ଅଧିକାର ସୁରକ୍ଷା) ବିଲ୍ ୨୦୧୯ ନାମରେ ନାମିତ ଏହି ବିଲ୍‌ ପୂର୍ବ ସରକାର ଫେବୃଆରୀ ମାସରେ ଆଣିଥିବା ଅଧ୍ୟାଦେଶର ସ୍ଥାନ ନେବ। ଏହି ବିଲ୍‌ ପାରିତ ହେଲେ ତତ୍କାଳ ତିନି ଥର ତଲାକ୍‌ କହି ଛାଡ଼ପତ୍ର ଦେଉଥିବା ମୁସଲିମ୍‌ ପୁରୁଷଙ୍କୁ ୩ ବର୍ଷର ଜେଲ ହୋଇପାରିବ।

ଏହି ବିଲ୍‌କୁ କଂଗ୍ରେସ ସମେତ ଅନେକ ବିରୋଧୀ ଦଳ ବିରୋଧ କରୁଥିଲେ। ସେମାନଙ୍କ କହିବା ଅନୁଯାୟୀ ଏହା ଘରୋଇ ମାମଲା ଏଥିରେ ଜେଲଦଣ୍ଡ କିପରି ରହିପାରିବ। ସେମାନେ ଆହୁରି ମଧ୍ୟ କହିଥିଲେ, ଏହାଦ୍ୱାରା କେବଳ ମୁସଲିମ୍‌ମାନେ ଆଇନର ଶିକାର ହେବେ।

ସରକାର ଯୁକ୍ତି ବାଢ଼ିଥିଲେ, ଏହା ବହୁଦିନ ଧରି କଷ୍ଟ ସହିଆସୁଥିବା ମହିଳାଙ୍କ ପାଇଁ ଆଶ୍ୱସ୍ତି ହେବ। ଏହା ସେମାନଙ୍କୁ ସମାନ ଅଧିକାର ପ୍ରଦାନ କରିବ। ଗତ ସପ୍ତାହରେ କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର କହିସାରିଛନ୍ତି ଏହି ବିଲ୍‌ ସରକାରଙ୍କ ‘ସବ୍‌କା ସାଥ, ସବ୍‌କା ବିକାଶ, ସବ୍‌କା ବିଶ୍ୱାସ’ ଲକ୍ଷ୍ୟର ଏକ ଅଂଶ। ବିଧେୟକ ପାରିତ ହୋଇନଥିବାରୁ ସରକାର କେବଳ ଅଧ୍ୟାଦେଶ ବଳରେ ତତ୍କାଳ ଟ୍ରିପଲ ତଲାକ୍‌କୁ ବେଆଇନ ଘୋଷିତ କରି ନିର୍ଦ୍ଦେଶ ଦେଇଥିଲେ। ନୂଆ ବିଲ୍‌ ଏହି ଅଧ୍ୟାଦେଶର ନକଲ। ୧୭ତମ ଲୋକସଭାର ପ୍ରଥମ ଅଧିବେଶନରେ ଏହି ବିଲ ସମେତ ୧୦ଟି ଅଧ୍ୟାଦେଶକୁ ଆଇନରେ ପରିଣତ କରିବାର ଯୋଜନା କରିଛନ୍ତି।

ଆହୁରି ପଢ଼ନ୍ତୁ

ମନ୍ତ୍ରିମଣ୍ଡଳରୁ ବରଖାସ୍ତ ହେବା ପରେ କ’ଣ କହିଲେ ସଚିନ ପାଇଲଟ

ଘରେ ଆପଣା ଛାଏଁ ଲାଗି ଯାଉଛି ନିଆଁ

ଜାକଜମକରେ ବାହା ହୋଇଥିଲେ, ଶେଷରେ ବନ୍ଧା ହେଲେ ବର

ମନ୍ଦିର ପ୍ରତିଷ୍ଠା ଉତ୍ସବରେ ପହଞ୍ଚିଗଲା ପୁଲିସ୍; ଛତ୍ର ଭଙ୍ଗ ଦେଲେ ଲୋକେ‌

‘ପ୍ରତି ୯ ଜଣରେ ଜଣେ ଭୋକିଲା ରହୁଛନ୍ତି’

ମାନବପ୍ରେମୀ ଆଦିତ୍ୟ ଦାଶଙ୍କ ବନ୍ଧୁ ପପୁଙ୍କୁ ଘନଘନ ଜେରା

୬୦୦ରୁ ୬୦୦ ମାର୍କ ରଖିଲେ ଦିବ୍ୟାଂଶୀ

ଅବସର ପରେ ପୁନଃ ନିଯୁକ୍ତିକୁ କେନ୍ଦ୍ରମନ୍ତ୍ରୀଙ୍କ ନାପସନ୍ଦ, ମୁଖ୍ୟମନ୍ତ୍ରୀଙ୍କୁ ଲେଖିଲେ ଚିଠି

ରାଉରକେଲାରେ କୋଭିଡ୍ କେୟାର ଓ ଟିଏମ୍‌ସି ସେଣ୍ଟରରେ ବେଡ୍ ବଢ଼ିଲା

କଂଗ୍ରେସରେ ପୁଣି ସକ୍ରିୟ ହେଲେ ଚିରଞ୍ଜିବ

ବ୍ରହ୍ମପୁର ଟାଉନ୍‌ ପ୍ରବେଶ ପଥ ସିଲ୍‌

ରେକର୍ଡ ସଂଖ୍ୟକ କରୋନା ଆକ୍ରାନ୍ତ ସୁସ୍ଥ, କେଉଁ ଜିଲ୍ଲାରୁ କେତେ ପଢ଼ନ୍ତୁ