ନୂଆଦିଲ୍ଲୀ: ଆଇଏସଆଇଏସ ଲିଙ୍କରେ ଏନଆଇଏ ଆଜି ଦୁଇ ଜଣକୁ ଗିରଫ କରିଛି । ଜଣେ ହାଇଦ୍ରାବାଦର ମହମ୍ମଦ ତାହା ଅନ୍ୟ ଜଣେ ମହମ୍ମଦ ଗୁଫରନ ବୋଲି ଜଣାପଡ଼ିଛି। ଉଭୟଙ୍କୁ ପୃଥକ ପୃଥକ ସ୍ଥାନରୁ ଏନଆଇଏ ଗିରଫ କରିଛି। ଆତଙ୍କବାଦୀ ସଂଗଠନ ଆଇଏସଆଇଏସ ସହ ଏହି ଦୁଇ ଜଣ ଲିଙ୍କରେ ଥିବା ଏନଆଇଏ ପ୍ରମାଣ ପାଇଛି।
୨୦୧୮ ମସିହାରେ ଆତଙ୍କବାଦୀ ଆଇଏସଆଇଏସ ଲିଙ୍କ ଅଭିଯୋଗରେ ୨ ଜଣ ଗିରଫ ହୋଇଥିଲେ। ଗିରଫ ଦୁଇ ସନ୍ଦିଗ୍ଧ ମହମ୍ମଦ ଅବଦୁଲ୍ଲା ବସିଥ୍ ଏବଂ ମହମ୍ମଦ ଅବଦୁଲ ୨୦୧୬ରେ ଆବୁଧାବିର ଆତଙ୍କୀ ସଙ୍ଗଠନ ସହ ସମ୍ପର୍କରେ ଥବା ଏନଆଇଏ ପ୍ରମାଣ ପାଇବା ପରେ ଗିରଫ କରିଥିଲା । ଏହାପରେ ଦୁଇ ଜଣଙ୍କୁ ପଚରା ଉଚରା ବେଳେ ମିଳିଥିବା ତଥ୍ୟ ଆଧାରରେ ଆଜି ହାଇଦ୍ରାବାଦ ଓ ମହାରାଷ୍ଟ୍ରରେ ଏନଆଇଏ ରେଡ୍ କରିଥିଲା।
ରେଡ୍ ବେଳେ ଏନଆଇଏ ୧୩ଟି ମୋବାଇଲ ଫୋନ୍. ୧୧ଟି ସିମ୍ କାର୍ଡ୍, ଗୋଟିଏ ଆଇ ପ୍ୟାଡ୍, ୨ଟି ଲ୍ୟାପଟପ୍, ଗୋଟିଏ ହାର୍ଡ ଡିସ୍କ, ୬ଟି ପେନ୍ ଡ୍ରାଇଭ୍, ୬ଟି ମେମୋରୀ କାର୍ଡ୍, ୩ଟି ୱାକି ଟକି ଜବତ କରିଛି ।
.@NIA_India picked up a youngster from King's colony over alleged links with two youngsters arrested in Hyderabad last year for their links with #ISIS. @the_hindu @THHyderabad #Hyderabad #Telangana pic.twitter.com/sqfvPh4XhD
— Abhinay Deshpande|అభినయ్ देशपांडे (@AbhinayTheHindu) April 20, 2019
ଏହାପରେ ଏନଆଇଏ ମହମ୍ମଦ ତାହା ନାମକ ବ୍ୟକ୍ତିକୁ ହାଇଦ୍ରାବାଦରୁ ଗିରଫ କରିଛି। ତେବେ ଗିରଫ ସନ୍ଦିଗ୍ଧଙ୍କ ସ୍ତ୍ରୀକୁ ଏନଆଇଏ କେବଳ ଜେରା କରିଥିବା ଜଣାପଡ଼ିଛି। ୨୦୧୮ରେ ଗିରଫ ହୋଇଥିବା ୨ ସନ୍ଦିଗ୍ଧଙ୍କୁ ମହମ୍ମଦ ତାହା ନାଗପୁରରେ ରହିବା ପାଇଁ ଘର ଯୋଗାଇଥିବାର ପ୍ରମାଣ ମିଳିଛି। ଫେବୃଆରୀରେ ଦୁଇ ସନ୍ଦିଗ୍ଧ ମହମ୍ମଦ ଅବଦୁଲ ବସିଥ୍ ଏବଂ ମହମଦ ଅବଦୁଲ ନାମରେ ଏନଆଇଏ ଅତିରିକ୍ତ ଚାର୍ଜସିଟ୍ ଦାଖଲ କରିଥିବା ଜଣାପଡ଼ିଛି।
ସେପଟେ ଅନ୍ୟ ଜଣେ ସନ୍ଦିଗ୍ଧ ମହମ୍ମଦ ଗୁଫରନକୁ ଏନଆଇଏ ଗିରଫ କରିଛି। କିନ୍ତୁ କେଉଁ ସ୍ଥାନରୁ ଗିରଫ କରାଯାଇଛି ସେ ନେଇ ସ୍ପଷ୍ଟ ସୂଚନା ମିଳିନାହିଁ। ଦିଲ୍ଲୀ ଏନସିଆର ଏବଂ ଉତ୍ତର ପ୍ରଦେଶରେ ଆକ୍ରମଣ କରିବା ପାଇଁ ଆଇଏସଆଇଏସ ଯୋଜନା କରିଥିଲା, ଆକ୍ରମଣ ଯୋଜନାକୁ କାର୍ଯ୍ୟକାରୀ କରାଇବାରେ ଗୁଫରନର ଏକ ବଡ଼ ଭୂମିକା ରହିଥିବା ଏନଆଇଏ ପ୍ରମାଣ ପାଇଛି। ଆଇଏସଆଇଏସର ଏହି ଆକ୍ରମଣ ଯୋଜନାରେ ମହମ୍ମଦ ଗୁଫରନ ୧୩ ନମ୍ବର ବ୍ୟକ୍ତି ଭାବେ ଗିରଫ୍ ହୋଇଛି।
National Investigation Agency (NIA) today arrested Mohammad Gufran in an ISIS-conspiracy case. He is the 13th suspect arrested in the case. He is suspected of being a key conspirator in plans to carry out terrorist attacks in Delhi NCR & Uttar Pradesh.
— ANI (@ANI) April 20, 2019