ନୂଆଦିଲ୍ଲୀ: ନ୍ୟାସନାଲ୍ ଜୁଡ଼ିସିଆଲ୍ ଆପଏଣ୍ଟମେଣ୍ଟ କମିଶନ ବା ଏନଜେଏସିକୁ ଅସାମ୍ୱିଧାନିକ ବୋଲି କହିଛନ୍ତି ସୁପ୍ରିମକୋର୍ଟ। ସର୍ବୋଚ୍ଚ କୋର୍ଟଙ୍କ ୫ଜଣିଆ ଖଣ୍ଡପୀଠ ଏହି ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। ବିଚାରପତିଙ୍କ ନିଯୁକ୍ତିରେ ସରକାରଙ୍କ କୌଣସି କ୍ଷମତା ରହିବ ନି ବୋଲି କୋର୍ଟ ତାଙ୍କ ରାୟରେ ସ୍ପଷ୍ଟ କରିଛନ୍ତି।
ଏନଜେଏସିକୁ ନେଇ ବିବାଦ ଯୋଗୁଁ ସୁପ୍ରିମକୋର୍ଟରେ ଏକାଧିକ ଆବେଦନ ଦାଖଲ କରାଯାଇଥିଲା। ଏନଜେଏସିରେ କେନ୍ଦ୍ର ଆଇନମନ୍ତ୍ରୀଙ୍କ ଉପସ୍ଥିତିକୁ ନେଇ ମଧ୍ୟ ପ୍ରଶ୍ନ ଉଠିଥିଲା। ଆଗରୁ ବିଚାରପତିଙ୍କ ନିଯୁକ୍ତି ଓ ବଦଳିକୁ ନେଇ ନିଷ୍ପତି କଲେଜିୟମ୍ ବ୍ୟବସ୍ଥା ଦ୍ୱାରା କରାଯାଉଥିଲା। ଏଥିରେ ସୁପ୍ରିମକୋର୍ଟର ମୁଖ୍ୟ ବିଚାରପତିଙ୍କ ସହ ୪ଜଣ ବରିଷ୍ଠ ବିଚାରପତି ସାମିଲ ହେଉଥିଲେ। ପରେ ଏହି ସୁପାରିସକୁ ସ୍ୱୀକୃତି ପାଇଁ ପ୍ରଧାନମନ୍ତ୍ରୀ ଓ ରାଷ୍ଟ୍ରପତିଙ୍କ ପାଖକୁ ପଠା ଯାଉଥିଲା। ଏହି ପ୍ରକ୍ରିୟା ୧୯୯୩ରୁ ଲାଗୁ ହୋଇଥିଲା। ତେବେ ପରେ ଏହି ପ୍ରକ୍ରିୟା ପାଇଁ ସରକାର ଏନଜେଏସିର ଗଠନ କରିଥିଲେ। ତେବେ ସୁପ୍ରିମକୋର୍ଟଙ୍କ ଆଜିର ରାୟ ପରେ କୋଲେଜିୟମ୍ ବ୍ୟବସ୍ଥା ବଳବତ୍ତର ରହିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
