ନୂଆଦିଲ୍ଲୀ: ଭାରତର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଆଜି ତାଙ୍କ ଆମେରିକା ପ୍ରତିପକ୍ଷ ଜନ୍ ବୋଲ୍ଟନ୍ଙ୍କ ସହ କଥା ହୋଇଛନ୍ତି। ଏହି ସମୟରେ ପୁଲୱାମା ଆକ୍ରମଣ ଓ ଭାରତର ଏୟାର ଷ୍ଟ୍ରାଇକ୍ ସମ୍ପର୍କରେ ଉଭୟ ଆଲୋଚନା କରିଛନ୍ତି।
ସେହିପରି ପାକିସ୍ତାନ କିଭଳି ଆମେରିକା ସହ କରିଥିବା ଚୁକ୍ତିକୁ ଉଲ୍ଲଙ୍ଘନ କରି ଭାରତ ଉପରେ ଏଫ୍-୧୬ ଯୁଦ୍ଧ ବିମାନ ଦ୍ୱାରା ହମ୍ଲା କରିଥିଲା, ତା’ର ପ୍ରମାଣ ମଧ୍ୟ ଶ୍ରୀ ଡୋଭାଲ୍ ବୋଲ୍ଟନ୍ଙ୍କୁ ଜଣାଇଛନ୍ତି।
ପାକିସ୍ତାନ ବାୟୁସେନା ପକ୍ଷରୁ ବାଲାକୋଟ୍ ଏୟାର ଷ୍ଟ୍ରାଇକ୍ର ବଦ୍ଲା ନେବାକୁ ଉଦ୍ୟମ ହୋଇଥିଲା। ଏଥିପାଇଁ ପାକିସ୍ତାନ ପକ୍ଷରୁ ଏଫ୍-୧୬ ଯୁଦ୍ଧ ବିମାନ ଜରିଆରେ ଭାରତର ସାମରିକ ପ୍ରତିଷ୍ଠାନ ଉପରେ ହମ୍ଲା କରିବାକୁ ଉଦ୍ୟମ ହୋଇଥିବା ମଧ୍ୟ ଡୋଭାଲ ଆଜି ବୋଲ୍ଟନଙ୍କୁ ଜଣାଇଛନ୍ତି। ପାକିସ୍ତାନ ବାୟୁସେନା ପକ୍ଷରୁ ଏଆଇଏମ୍-୧୨୦ ମିସାଇଲ୍ ଦ୍ୱାରା ଆକ୍ରମଣ କରାଯାଇଥିବା ମଧ୍ୟ ଆଜି ଡୋଭାଲ ଆମେରିକାକୁ ଜଣାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
