ମୁମ୍ବାଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ୟାରିସରେ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ଶରିଫ ସହ ସାକ୍ଷାତ କରିବା ଘଟଣାକୁ ଶିବସେନା ପ୍ରଶଂସା କରିଛି। ପାକ୍ ପ୍ରଧାନମନ୍ତ୍ରୀଙ୍କୁ ସାକ୍ଷାତ କରି ନରେନ୍ଦ୍ର ମୋଦି ସହିଷ୍ଣୁତା ଦେଖାଇଛନ୍ତି । ଶିବସେନା ଏହାର ମୁଖପାତ୍ର ‘ସାମନା’ର ସମ୍ପାଦକୀୟରେ ଏହା ଉଲ୍ଲେଖ କରିଛି।
ଶିବସେନା କହିଛି, ଯେଉଁ ଦେଶ ଭାରତ ଉପରେ ବାରାମ୍ବାର ଆକ୍ରମଣ କରୁଛି, ସବୁବେଳେ ଧମକ ଦେଉଛି ଓ ଭାରତର ସୁରକ୍ଷାକର୍ମୀଙ୍କୁ ହତ୍ୟା କରୁଛି, ସେହି ଦେଶର ପ୍ରଧାନମନ୍ତ୍ରୀଙ୍କ ସହ ନରେନ୍ଦ୍ର ମୋଦି ବିନମ୍ରତାର ସହ ସକ୍ଷାତ ଆଲୋଚନା କରିଛନ୍ତି। ଏହା ସହିଷ୍ଣୁତା ନୁହେଁ ତ ଆଉ କ’ଣ? ଅନ୍ୟ ଜଣେ ଆମ ଉପରକୁ ହାତ ଉଠାଇଲେ ମଧ୍ୟ ଆମେ ହାତ ଯୋଡି ତାଙ୍କ ନିକଟକୁ ଯାଉ। ଏହା ଆମର ସହିଷ୍ଣୁତା। ଆଉ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ପାଳନ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
