୧୩ରେ ଦେଶବ୍ୟାପୀ ବନ୍ଦ ରହିବ ପେଟ୍ରୋଲ ପମ୍ପ: ଅଲ୍ ଇଣ୍ଡିଆ ପେଟ୍ରୋଲିୟମ୍ ଡିଲର୍ ଆସୋସିଏସନର ଡାକରା

ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତା ୧୩ ତାରିଖରେ ଦେଶବ୍ୟାପୀ ବନ୍ଦ ରହିବ ପେଟ୍ରୋଲ ପମ୍ପ। ବିଭିନ୍ନ ଦାବି ନେଇ ଧର୍ମଘଟ ଡାକରା ଦେଇଛି ଅଲ୍ ଇଣ୍ଡିଆ ପେଟ୍ରୋଲିୟମ୍ ଡିଲର୍ ଆସୋସିଏସନ୍। ଫଳରେ ଏହି ଦିନ ଦେଶର ପାଖାପାଖି ୫୪ ହଜାର ପେଟ୍ରୋଲ ପମ୍ପରେ ସମ୍ପୂର୍ଣ୍ଣ ଭାବରେ ତୈଳ କିଣା ବିକା ବନ୍ଦ ରହିବ। ଯଦି ଦାବି ପୂରଣ ନେଇ ତୈଳ କମ୍ପାନୀଗୁଡିକ ପକ୍ଷରୁ ସକରାତ୍ମକ ଜବାବ ନ ମିଲେ ତେବେ ଆସନ୍ତା ୨୭ ତାରିଖରୁ ଅନିର୍ଦ୍ଦିଷ୍ଟକାଳ ପାଇଁ ଧର୍ମଘଟ ହେବ ବୋଲି ଆସୋସିଏସନ ଅଧ୍ୟକ୍ଷ ଅଜୟ ବନ୍ସଲ କହିଛନ୍ତି। ଡିଲର୍ ମାର୍ଜିନ୍ ଓ କମିଶନର ପୁର୍ନବିଚାର, ଯୋଗାଣର ଥିବା ଅସମାନତାର ସମାଧାନ ଏବଂ ପେଟ୍ରୋଲିୟମ୍ ପଦାର୍ଥକୁ ଜିଏସଟି ପରିସରଭୁକ୍ତ କରିବା ସମେତ ବିଭିନ୍ନ ଦାବି ରଖିଛି ଆସୋସିଏସନ୍। ପୂର୍ବରୁ ପେଟ୍ରୋଲ, ଡିଜେଲର ଦୈନନ୍ଦିନ ପରିବର୍ତ୍ତନକୁ ବିରୋଧ କରି ଗତ ଜୁନ ୧୬ ତାରିଖରେ ଦେଇଥିବା ଧର୍ମଘଟ ଡାକରାକୁ ସ୍ଥଗିତ ରଖିଥିଲେ ପେଟ୍ରୋଲ ଓ ଡିଜେଲ୍ ଡିଲର୍ସ ଆସୋସିଏସନ୍।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।