କରୋନା ସ୍ଥିତି ଓ ଟିକା ବିଷୟରେ ମୋଦି-ବିଲ ଗେଟ୍ସ ଆଲୋଚନା

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ବିଲ ଗେଟ୍ସଙ୍କ ସହ ଭିଡିଓ କନଫରେନ୍ସିଂ ଜରିଆରେ ବିଶ୍ୱର ତଥା ଦେଶର କରୋନା ସ୍ଥିତି ସମ୍ପର୍କରେ ଆଲୋଚନା କରିଛନ୍ତି। ଏଥିସହ କରୋନା ସଂକ୍ରମଣକୁ ଚିହ୍ନଟ କରିବା ଓ ଏହାର ମୁକାବିଲା ପାଇଁ ଟିକା ବାହାର କରିବା ଉପରେ ମଧ୍ୟ ଦୁଇ ଜଣ ବିସ୍ତୃତ ଭାବେ ଆଲୋଚନା କରିଛନ୍ତି।

ମୋଦି ଟ୍ୱିଟ କରି କହିଛନ୍ତି, “ବିଲ ଗେଟ୍ସଙ୍କ ସହ ସକାରାତ୍ମ ଆଲୋଚନା ହୋଇଛି। ଆମେ କରୋନା ଭାଇରସର ମୁକାବିଲା ପାଇଁ ଭାରତ ଓ ଗେଟ୍ସ ଫାଉଣ୍ଡେସନର ଭୂମିକା ଉପରେ ଆଲୋଚନା କରିଥିଲୁ। ସେହିପରି କରୋନା ମୁକାବିଲାରେ ଟେକ୍ନୋଲଜି, ନୂଆ ଉଦ୍ଭାବନ ଓ କରୋନା ମହାମାରୀରୁ ରକ୍ଷା ପାଇବା ପାଇଁ ଟିକା ଉପରେ ବିସ୍ତୃତ ଭାବେ ପରସ୍ପରକୁ ପରାମର୍ଶ ଦେଇଛୁ।”

ଆଲୋଚନା ବେଳେ ଗେଟ୍ସ ଫାଉଣ୍ଡେସନ ସ୍ୱାସ୍ଥ୍ୟ ସେବା ଉପରେ କରୁଥିବା କାର୍ଯ୍ୟକୁ ମୋଦି ପ୍ରଶଂସା କରିଛନ୍ତି। ଏଥିସହ ଭାରତ ନିଜ ଦେଶ ସହ ବିଶ୍ୱକୁ କେମିତି ସହଯୋଗ କରିପାରୁଛି, ସେ ବିଷୟରେ ମଧ୍ୟ ବିଲ ଗେଟ୍ସଙ୍କୁ ଅବଗତ କରାଇଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।