ଅହମଦାବାଦ: ଗୁଜରାଟର ମୋଧେରାରେ ରହିଛି ଏକ ପ୍ରସିଦ୍ଧ ସୂର୍ଯ୍ୟ ମନ୍ଦିର। ବର୍ଷା ଦିନେ ମନ୍ଦିରଟିକୁ ଯେମିତି ଝରଣା ଧୋଇ ଦେଉଛି ସେହିଭଳି ଦୃଶ୍ୟ ଦେଖିବାକୁ ମିଳେ। ଚଳିତ ବର୍ଷ ମନ୍ଦିରଟି କେମିତି ବର୍ଷା ପାଣିରେ ଧୋଇ ହୋଇଯାଉଛି, ତା’ର ଭିଡିଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ସକାଳ ୭.୪୫ରେ ଟ୍ୱିଟ କରିଥିଲେ।
ଏଥିରେ ମନ୍ଦିର ଗୁଡ଼ିକୁ ବର୍ଷାପାଣି ଧୋଇବାର ଦୃଶ୍ୟ ରହିଛି। ଏହା ଏକ ଝରଣାର ଭ୍ରମ ସୃଷ୍ଟି କରିଛି। ମୋଦି ଭିଡିଓ ସହ ଲେଖିଛନ୍ତି ଯେ ମୋଧେରାର ସୂର୍ଯ୍ୟ ମନ୍ଦିର ବର୍ଷା ଦିନେ ଅତ୍ୟନ୍ତ ଚମତ୍କାର ଦିଶୁଛି। ଆପଣ ବି ଥରେ ଦେଖନ୍ତୁ।
୫୫ ସେକେଣ୍ଡର ଭିଡିଓଟି ଏବେ ଟ୍ୱିଟରରେ ଭାଇରାଲ ହୋଇଛି । ଏହାକୁ ୧.୬ ମଲିୟନରୁ ଅଧିକ ଲୋକ ଦେଖିସାରିଥିବାବେଳେ ପ୍ରାୟ ୨ଲକ୍ଷ ୨୫ ହଜାର ଲୋକ ଏହାକୁ ଲାଇକ୍ କରିଛନ୍ତି ।