ମାତିଛନ୍ତି ‘କନିଆଁ ଗ୍ୟାଙ୍ଗ’: ୩ ମାସରେ ୨୭ ଜଣଙ୍କୁ ଲୁଟ୍ କରି ଛୁ’

ଅଭିଆଡ଼ା ଯୁବକଙ୍କୁ ଟାର୍ଗେଟ, ବାହା ହେବା ପରେ କନିଆଁ ଟଙ୍କା ସୁନା ଧରି ମାରୁଛି ଚମ୍ପଟ

ଗାଜିଆବାଦ: ଉତ୍ତର ପ୍ରଦେଶର ଗାଜିଆବାଦରେ ମାତିଛି ‘କନିଆଁ ଗ୍ୟାଙ୍ଗ୍‌’। ଏହି ଗ୍ୟାଙ୍ଗର ସଦସ୍ୟମାନେ ଗତ ତିନି ମାସରେ ୨୭ ଜଣ ଯୁବକଙ୍କୁ ଲୁଟି ସାରିଲେଣି।

ଏହି ଗ୍ୟାଙ୍ଗ୍ ବିଶେଷ କରି କୌଣସି କାରଣରୁ ବାହା ହୋଇ ପାରି ନଥିବା ଯୁବକମାନଙ୍କୁ ଟାର୍ଗେଟ୍‌ କରୁଛି। ଏହି ଗ୍ୟାଙ୍ଗର ସଦସ୍ୟମାନେ ଏଭଳି ଯୁବକମାନଙ୍କୁ ବେଶ୍ କୌଶଳ କରି ଫସାନ୍ତି। ପରିବାର ଲୋକଙ୍କୁ ନଜଣାଇ ଗ୍ୟାଙ୍ଗର ଜଣେ ଯୁବତୀଙ୍କ ସହିତ ଯୁବକଙ୍କର ବାହାଘର କରାଇ ଦିଅନ୍ତି।

ତା’ପରେ ସେ ଯୁବତୀ ଜଣଙ୍କ ମାସେ ଦୁଇମାସ ବା ତିନି ଚାରି ମାସ ତାଙ୍କ ସହିତ ପୂରା ସ୍ତ୍ରୀ ଭଳି ରହନ୍ତି। କାହାକୁ କିଛି ସନ୍ଦେହ ହୁଏନି। ତା’ପରେ ମଉକା ଦେଖି ଟଙ୍କା ଓ ସୁନାଗହଣା ନେଇ ଫେରାର ହୋଇ ଯାଆନ୍ତି ଏହି ତଥାକଥିତ ବଧୂ। ଏମିତି ଫେରାର ହୁଅନ୍ତି ଯେ ସ୍ୱାମୀମାନେ ସେମାନଙ୍କ ପତ୍ତା ମଧ୍ୟ ପାଆନ୍ତି ନାହିଁ।

ପୁଲିସ୍‌ ବି ପ୍ରଥମେ ପ୍ରଥମେ ଏହାକୁ ସ୍ୱାମୀ-ସ୍ତ୍ରୀଙ୍କ ଝଗଡ଼ା ଭାବି ଗୁରୁତ୍ୱ ଦେଉ ନଥିଲା। କିନ୍ତୁ ଧୀରେ ଧୀରେ ଥାନାରେ ଏଭଳି ମାମଲା ସଂଖ୍ୟା ବଢ଼ିବା ପରେ ଜଣାପଡ଼ିଲା ଯେ ଏହା ପଛରେ ଏକ ଗ୍ୟାଙ୍ଗ୍ ରହିଛି।

ଦୁଇ ଦିନ ତଳେ ସାହିବାବାଦ୍ ଥାନାରେ ଏମିତି ଏକ ଅଭିଯୋଗ ହୋଇଛି। ଗତ ତିନି ମାସରେ ସାହିଦାବାଦ ଥାନା ଅଞ୍ଚଳରେ ଏଭଳି ୧୭ଟି ଘଟଣା ଘଟିଛି।

ସେହିଭଳି ଖେଡ଼ା ଥାନା ଅଞ୍ଚଳରେ ଏଭଳି ୭ଟି ମାମଲା ସାମ୍ନାକୁ ଆସିଥିବା ବେଳେ ଇନ୍ଦିରାପୁରମରେ ଗୋଟିଏ ଓ ଲିଙ୍କ୍ ରୋଡ୍ ଅଞ୍ଚଳରେ ଦୁଇଟି ମାମଲା ସାମ୍ନାକୁ ଆସିଛି।

୨୭ ଜଣ ଯୁବକ ସମାନ ଅଭିଯୋଗ କରିଛନ୍ତି।

ଫିରାଜ୍ ନାମକ ଜଣେ ପୀଡ଼ିତ କହିଛନ୍ତି,“ମୋତେ ଯେଉଁ ଝିଅ ବାହା ହୋଇଥିଲା ତା ନାଁ ଥିଲା ସାରିଫା। ସେ ମୋ ସହିତ ୪ ମାସ ରହିଲା। ତା’ପରେ ନଗଦ ୩୬ ହଜାର ଟଙ୍କା, ଦାମୀ ଜିନିଷ ଓ ପୋଷାକ ଧରି ଫେରାର ହୋଇଗଲା।”

ତେବେ ଏଯାଏ ଜଣେ ବି ‘କନିଆଁ’ ଧରାପଡ଼ି ନାହାନ୍ତି। ପୁଲିସ୍ ତଦନ୍ତ ଚଲାଇଛି।

ଆହୁରି ପଢ଼ନ୍ତୁ

ଆରୋଗ୍ୟ ହେଲେ ୧୭୮୫ କରୋନା ଆକ୍ରାନ୍ତ, କେଉଁ ଜିଲ୍ଲାରୁ କେତେ ପଢ଼ନ୍ତୁ

ଗିରଫ ଲକ୍ଷ୍ମୀକାନ୍ତଙ୍କ ପରିବାରକୁ ଭେଟିଲା ବିଜେପି, ସରକାରୀ କାର୍ଯ୍ୟାନୁଷ୍ଠାନକୁ ନିନ୍ଦା

ସୁଶାନ୍ତଙ୍କ ମୃତ୍ୟୁ ମାମଲାର ଶୁଣାଣି ଗୁରୁବାରକୁ ଘୁଞ୍ଚିଲା, ରିୟା ରଖିଲେ ଏମିତି ପକ୍ଷ

ଭୁବନେଶ୍ୱରରୁ ୧୦୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୪୯ ଲୋକାଲ୍‌ କେସ୍‌

କରୋନାରେ ଆକ୍ରାନ୍ତ ରାହତ ଇନ୍ଦୋରୀଙ୍କ ପରଲୋକ

ବେହେରାସାହି ପରେ ଚିନ୍ତା ବଢ଼ାଇଲା ଜାଲୁଆ ସାହି

ଏହି ୧୦ ରାଜ୍ୟ କରୋନାକୁ ହରାଇ ପାରିଲେ ଭାରତ ଜିତିବ ବୋଲି କହିଲେ ମୋଦି

ପାରମ୍ପରିକ ଅସ୍ତ୍ରଶସ୍ତ୍ର ଧରି ଲୋକଙ୍କ ପ୍ରତିବାଦ

‘ମୋ ଭାଇର ଯଦି କିଛି ଭୁଲ ହୋଇଛି, ମୁଖ୍ୟମନ୍ତ୍ରୀ କ୍ଷମା କରି ଦିଅନ୍ତୁ’

ଡବଲ ମର୍ଡଲ; ବଡ଼ଭାଇ, ପୁତୁରାକୁ ମାରି ପାଇଖାନା ଟାଙ୍କିରେ ଫିଙ୍ଗିଦେଲେ

ଭାଇରାଲ ଅଡିଓ ମାମଲା; ରିମାଣ୍ଡରେ ଗଲେ ଲକ୍ଷ୍ମୀକାନ୍ତ, ବିଶ୍ୱଜିତ

୭ ଶିଳ୍ପୀଙ୍କୁ ଧର୍ମପଦ ସମ୍ମାନ, ଆଖି ବୁଜି ସାରିଲେଣି ୩ ଜଣ