ନୂଆଦିଲ୍ଲୀ: ରେଲୱେ କର୍ମଚାରୀଙ୍କ ପାଇଁ ଖୁସି ଖବର । ମୁଖ୍ୟତଃ ଅଣଗେଜେଟେଡ କର୍ମଚାରୀଙ୍କ ପାଇଁ ପୂଜା ବୋନସ ଘୋଷଣା କରିଛନ୍ତି କେନ୍ଦ୍ର ସରକାର। ଏହି କର୍ମଚାରୀଙ୍କୁ ୭୮ ଦିନର ବୋନସ ମିଳିବ। ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ ବୈଠକରେ ଏନେଇ ମଞ୍ଜୁରୀ ମିଳିଛି। ବୋନସ ବାବଦରେ କର୍ମଚାରୀଙ୍କ ପିଛା ୧୮,୦୦୦ରୁ ୧୯,୦୦୦ ଟଙ୍କା ମିଳିବ। ପ୍ରାୟ ୧୨.୩ ଲକ୍ଷ କର୍ମଚାରୀ ଏଥିରେ ଉପକୃତ ହେବେ। ଦଶହରା ପୂର୍ବରୁ ଏହି ଅର୍ଥ ମିଳିବ। କେବଳ ଅଣଗେଜେଟେଡ କର୍ମଚାରୀଙ୍କ ପାଇଁ ଏହି ସୁବିଧା ହୋଇଥିଲେ ମଧ୍ୟ ଆରପିଏଫ ଏବଂ ଆରପିଏସ୍ଏଫ କର୍ମଚାରୀଙ୍କୁ ଏଥିରୁ ବାଦ ଦିଆଯାଇଛି। ପ୍ରତିବର୍ଷ ଦଶହରା ଏବଂ ପୂଜାବଜାରକୁ ଲକ୍ଷ୍ୟରେ ରଖି ରେଲୱେ ପକ୍ଷରୁ ଏହି ବୋନସ ଘୋଷଣା ହୋଇଥାଏ। ଏହାକୁ କୁ ପ୍ରଡକ୍ଟିଟିଭ୍ ଲିଙ୍କ ବୋନସ ବୋଲି କୁହାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।