ନୂଆଦିଲ୍ଲୀ: ୨୦ ବର୍ଷ ଧରି କଂଗ୍ରେସର ସଭାପତି ଥିବା ସୋନିଆ ଗାନ୍ଧିଙ୍କଠାରୁ ରାହୁଲ ଦାୟିତ୍ୱ ନେବାର ସମୟ ଉପନୀତ ହୋଇଛି। ରାହୁଲ ଗାନ୍ଧି କଂଗ୍ରେସର ଦାୟିତ୍ୱ ନେବା ଦରକାର। ତାଙ୍କ ସହ ପ୍ରିୟଙ୍କା ପ୍ରତ୍ୟକ୍ଷ ରାଜନୀତିକୁ ଫେରିବା ଉଚିତ। ବୁଧବାର ଏହା କହିଛନ୍ତି ପଞ୍ଜାବ କଂଗ୍ରେସ ମୁଖ୍ୟ କ୍ୟାପଟେନ୍ ଅମ୍ରିନ୍ଦର ସିଂହ। ତାଙ୍କର ଏହି ମନ୍ତବ୍ୟ ପରେ ଜାତୀୟ ରାଜନୀତି ସରମଗରମ ହୋଇଛି।
ସେ କହିଛନ୍ତି,“ସୋନିଆ ଗାନ୍ଧି ଜଣେ ଦୀପ୍ତିମାନ ନେତ୍ରୀ। ସେ ଦୀର୍ଘ ୨୦ ବର୍ଷ ହେବ କଂଗ୍ରେସର ସଭାପତି ଭାବେ ଦାୟିତ୍ୱ ତୁଲାଉଛନ୍ତି। ମୁଁ ଭାବୁଛି ଏବେ ରାହୁଲଙ୍କୁ କଂଗ୍ରସର ସଭାପତି କରାଯିବାର ଉପଯୁକ୍ତ ସମୟ ଉପନୀତ ହୋଇଛି। ଯୁବ ଚପଳତା ସହ ବରିଷ୍ଠ ନେତାଙ୍କ ପରାମର୍ଶ କ୍ରମେ କାର୍ଯ୍ୟ କରିବେ। ଦଳକୁ ଆଗକୁ ନେବେ।”
ରାହୁଲ ସଭାପତି ହେବା ପରେ ଉପସଭାପତି ଭାବେ କଂଗ୍ରେସର କିଏ ଦାୟିତ୍ୱ ସମ୍ଭାଳିବା ପ୍ରଶ୍ନର ଉତ୍ତରରେ ସେ କହିଛନ୍ତି,“ ପ୍ରିୟଙ୍କା ମଧ୍ୟ ଜଣେ ଉଚ୍ଚଶିକ୍ଷିତ ନାରୀ। ସେ ଯଦି ପ୍ରତ୍ୟକ୍ଷ ରାଜନୀତିକୁ ଫେରନ୍ତି ତେବେ କଂଗ୍ରେସରେ ଉତ୍ସାହ ବଢନ୍ତା।”