ନୂଆଦିଲ୍ଲୀ: କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି ଦଳିତ ପରିବାରକୁ ‘ହନିମୁନ୍’ କରିବାକୁ ଯାଉଥିବା ମନ୍ତବ୍ୟ ଦେଇ ବିବାଦରେ ଫସିଥିବା ଯୋଗ ଗୁରୁ ରାମଦେବ ବାବାଙ୍କୁ ଆଶ୍ୱସ୍ତି ମିଳିଛି। ଏବେ ରାମଦେବ ଏସି-ଏସଟି ଆକ୍ଟ ଅନୁସାରେ କିଛି ପ୍ରଦେଶରେ ବିଚାରର ସମ୍ମୁଖୀନ ହେବାରୁ ବର୍ତ୍ତି ଯାଇଛନ୍ତି। କୋର୍ଟ ଏହି ଘଟଣାର ଶୁଣାଣି ପାଟନାରେ କରିବାକୁ ନିର୍ଦ୍ଦେଶ ଦେଇଛନ୍ତି ।
ସୂଚନାଯୋଗ୍ୟ ଗତବର୍ଷ ଏପ୍ରିଲ ୧୪ରେ ଲକ୍ଷ୍ମୌରେ ଆୟୋଜିତ ଗଣମାଧ୍ୟମ ସମ୍ମିଳନୀରେ ରାମଦେବ ବାବା ରାହୁଲ ଗାନ୍ଧି ଦଳିତ ପରିବାରକୁ ‘ପିକନିକ୍’ ଓ ‘ହନିମୁନ୍’ କରିବାକୁ ଯାଉଥିବା ବକ୍ତବ୍ୟ ଦେଇଥିଲେ। ରାମଦେବଙ୍କ ଏହି ଟିପ୍ପଣୀକୁ ଦଳିତ ବିରୋଧୀ ବୋଲି କୁହାଯାଇଥିଲା।
ଏ ନେଇ ଉତ୍ତରପ୍ରଦେଶ ସରକାର ଲ଼କ୍ଷ୍ମୌରେ ରାମଦେବଙ୍କ ବିରୋଧରେ ଏକ ମାମଲା ଦାୟର କରିଥିଲେ। ପରେ ପାଟନା, ଆଗ୍ରା, ଚଣ୍ଡିଗଡ, ଡେରାଡୁନ୍, ଜୟପୁର, ନାଗପୁର ଓ ଗୋରଖପୁରର ଆଉ ୯ ଜଣ ବ୍ୟକ୍ତି ରାମଦେବଙ୍କ ବିରୋଧରେ ମାମଲା ଦାୟର କରିଥିଲେ।
କୋର୍ଟଙ୍କ କାର୍ଯ୍ୟାନୁଷ୍ଠାନରୁ ବଞ୍ଚିବା ପାଇଁ ଆଇନଜୀବୀ କେଶବ ମୋହନ ସମସ୍ତ ମାମଲାର ତଦନ୍ତ ଏକାସଙ୍ଗରେ ଗୋଟିଏ କୋର୍ଟରେ କରିବାକୁ ଆବେଦନ କରିଥିଲେ। ସୁପ୍ରିମକୋର୍ଟ ମେ ୯ ତାରିଖରେ ଭିନ୍ନ ଭିନ୍ନ କୋର୍ଟରେ ଚାଲିଥିବା ସବୁ ମାମଲାକୁ ରଦ୍ଦ କରି ଦେଇଥିଲେ। ସବୁ ମାମଲାର ବିଚାର ପାଟନା କୋର୍ଟରେ କରାଯିବାକୁ ସୁପ୍ରିମକୋର୍ଟ ତାଙ୍କ ରାୟରେ ଣୁଣାଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
