ଭୁବନେଶ୍ୱର(ଓଡ଼ିଶା ରିପୋର୍ଟର): ରାମ ମନ୍ଦିର ବାବ୍ରି ମସଜିଦ ବିବାଦକୁ ନେଇ ମତବ୍ୟକ୍ତ କରିଛନ୍ତି ଆର୍ଟ ଅଫ ଲିଭିଙ୍ଗ ଫାଉଣ୍ଡେସନ୍ ମୁଖ୍ୟ ଶ୍ରୀ ଶ୍ରୀ ରବିଶଙ୍କର। ରାମ ମନ୍ଦିର ନିର୍ମାଣକୁ ନେଇ ଲାଗି ରହିଥିବା ବିବାଦର ଆପୋଷ ବୁଝାମଣା ପାଇଁ ଅନୁରୋଧ କରିଛନ୍ତି ରବିଶଙ୍କର। ବର୍ତ୍ତମାନ ସମୟରେ ଉଭୟ ପକ୍ଷ ଶାନ୍ତି ଚାହୁଁଥିବା ସେ କହିଛନ୍ତି। ଯଦି, ଆବଶ୍ୟକ ପଡ଼େ ତେବେ ସେ ନିଜେ ମଧ୍ୟସ୍ତି କରିବେ ବୋଲି କହିଛନ୍ତି। ନିରମୋହି ଆଖଡ଼ା ଏବଂ ମୁସଲିମ୍ ପର୍ସନାଲ ବୋର୍ଡ ଶ୍ରୀଶ୍ରୀ ରବିଶଙ୍କରକୁ ଏନେଇ ପରାମର୍ଶ ମାଗିଥିଲେ। କୋର୍ଟଙ୍କ ନିର୍ଦ୍ଦେଶ ପୂର୍ବରୁ ସମସ୍ତ ପକ୍ଷର ସହମତିରେ ନିଷ୍ପତ୍ତି ବାହାରିବା ଆବଶ୍ୟକତା ରହିଥିବା ରବିଶଙ୍କର ଦୋହରେଇଛନ୍ତି। ଅଯୋଧ୍ୟାରେ ରାମ ମନ୍ଦିର ନିର୍ମାଣକୁ ନେଇ ବିବାଦ ସୁପ୍ରିମକୋର୍ଟରେ ବିଚାରଧିନ ରହିଛି। ତେବେ ସବୋର୍ଚ୍ଚ କୋର୍ଟ ମାମଲାର ଆପୋଷ ସମାଧାନ ପାଇଁ ନିର୍ଦ୍ଦେଶ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
