ଡରାଇ ପାରିଲାନି ବର୍ଷା; ଭିଜି ଭିଜି ନିଜ କାମ କଲେ, ଏବେ ଆସୁଛି ପ୍ରଶଂସାର ସୁଅ

<p>ନୂଆଦିଲ୍ଲୀ: ସନ୍ଧ୍ୟା ସମୟ। ହଠାତ୍ ବର୍ଷା ଛେଚିଲା। ହଠାତ୍ ବର୍ଷା ଯୋଗୁଁ ରାସ୍ତା ଜାମ୍ ହୋଇଗଲା। କାରଣ ସମସ୍ତେ ଶୀଘ୍ର ଶୀଘ୍ର ଗନ୍ତବ୍ୟସ୍ଥଳରେ ପହଞ୍ଚିବାକୁ ଚାହିଁଲେ। ଆଉ ଏହି ସମୟରେ ସେଠାରେ ପହଞ୍ଚିଗଲେ ଜଣେ ଟ୍ରାଫିକ୍ କନଷ୍ଟେବଳ। ସେ ରେନ୍ କୋଟ୍ ପିନ୍ଧି ନ ଥିଲେ କି ଛତା ଧରି ନ ଥିଲେ। ବର୍ଷା ସତ୍ତ୍ୱେ ସେ ରାସ୍ତା ଉପରେ ଛିଡ଼ା ହୋଇ ଟ୍ରାଫିକ୍ ନିୟନ୍ତ୍ରଣ କଲେ। ଫଳରେ ଲୋକେ ଠିକ୍&zwnj; ଭାବେ ଯିବାଆସିବା କରିପାରିଥିଲେ। ଏତିକି ବେଳେ ଜଣେ ବ୍ୟକ୍ତି ସେହି ଟ୍ରାଫିକ୍ କନଷ୍ଟେବଳଙ୍କର ଭିଡିଓ ଉତ୍ତୋଳନ କରିଥିଲେ ଓ ଫେସ୍&zwnj;ବୁକ୍&zwnj;ରେ ପୋଷ୍ଟ କରି ଦେଇଥିଲେ। ଆଉ ଭିଡିଓଟି ଭାଇରାଲ୍ ହୋଇଯାଇଥିଲା। ଚାରି ଦିନ ତଳେ ଏ ଭିଡିଓଟି ପୋଷ୍ଟ କରାଯାଇଥିଲା। ଶୁକ୍ରବାର ସୁଦ୍ଧା ଏ ଭିଡିଓଟିକୁ ୧୪ ଲକ୍ଷରୁ ଅଧିକ ଲୋକ ଦେଖିସାରିଲେଣି। ସମସ୍ତେ ସେହି ଟ୍ରାଫିକ କନଷ୍ଟେବଳଙ୍କୁ ପ୍ରଶଂସା କରିଛନ୍ତି। ନିଜର କର୍ତ୍ତବ୍ୟ ପ୍ରତି ନିଷ୍ଠା ଯୋଗୁଁ ସେ ଏ ପ୍ରଶଂସା ପାଇଛନ୍ତି।</p><p>&lt;span style=&quot;color: #ff0000;&quot;&gt;କେଉଁଠାର ଘଟଣା ଓ କିଏ ସେହି ଟ୍ରାଫିକ କନଷ୍ଟେବଳ?&lt;/span&gt;</p><p>ଘଟଣାଟି ମୁମ୍ବାଇର। ଏହା ଗତ ସୋମବାର ସନ୍ଧ୍ୟାର ଘଟଣା। ସେହି ଟ୍ରାଫିକ୍ କନଷ୍ଟେବଳଙ୍କ ନାଁ ନନ୍ଦକୁମାର ଆଇଙ୍ଗଲ। ବୟସ ୪୭। ସେ ଦହିସର ଟ୍ରାଫିକ୍ ଡିଭିଜନ୍ ଅଧୀନରେ କାମ କରନ୍ତି।</p><p>&lt;span style=&quot;color: #ff0000;&quot;&gt;କିଏ ଉଠାଇଥିଲେ ଏହି ଭିଡିଓ?&lt;/span&gt;</p><p>ଏ ଭିଡିଓକୁ ଉଠାଇ ଫେସ୍&zwnj;ବୁକ୍&zwnj;ରେ ପୋଷ୍ଟ କରିଥିବା ବ୍ୟକ୍ତି ଜଣଙ୍କ ହେଉଛନ୍ତି ସତ୍ୟମ ଯାଦବ। ସେ କହିଛନ୍ତି,&ldquo;ମୁଁ ସେଦିନ କାଣ୍ଡିଭାଲି ଇଷ୍ଟ୍ ଷ୍ଟେସନ୍ ଅଭିମୁଖେ ଯାଉଥିଲି। ହଠାତ୍ ବର୍ଷା ହେଲା। ମୁଁ ସେତେବେଳେ ଅକୁରଲି ରୋଡ୍ ପାଖାପାଖି ହୋଇଥିଲି। ଦେଖିଲି ଯିଏ ଯେଉଁଠି ପାରିଲା ମୁଣ୍ଡ ଗୁଞ୍ଜିଲେ। ପୁଣି ହଠାତ୍ ବର୍ଷା ହେବାରୁ ଯିଏ ଯେଉଁ ଆଡ଼େ ପାରିଲା ଧାଁଦୌଡ଼ କଲେ। ଗାଡ଼ିଗୁଡ଼ିକ ବେଗ ବଢ଼ାଇ ଚାଲିଯିବାକୁ ଉଦ୍ୟମ କରୁଥିଲେ। ଏଣୁ ଅକୁରଲି ରୋଡ୍&zwnj;ର ଏକ ଛକରେ ଟ୍ରାଫିକ୍ ଜାମ୍ ହୋଇଗଲା। ତେବେ ହଠାତ୍ ଦେଖିଲି ଜଣେ କନଷ୍ଟେବଳ ଆସି ସେଠାରେ ପହଞ୍ଚିଗଲେ। ମୁଁ ବର୍ଷାରୁ ରକ୍ଷା ପାଇବା ପାଇଁ ସେହି ନିକଟରେ ଏକ ସ୍ଥାନରେ ମୁଣ୍ଡ ଗୁଞ୍ଜି ଥିଲି। ମୁଁ ଦେଖିଲି ବର୍ଷା ସତ୍ତ୍ୱେ କନଷ୍ଟେବଳ ଜଣଙ୍କ ରାସ୍ତା ଉପରେ ଛିଡ଼ା ହୋଇ ଟ୍ରାଫିକ୍ ନିୟନ୍ତ୍ରଣ କରୁଥିଲେ। ଏହା ଦେଖି ମୁଁ ତାଙ୍କ ଭିଡିଓ ଉଠାଇଥିଲି ଓ ଫେସ୍&zwnj;ବୁକ୍&zwnj;ରେ ପୋଷ୍ଟ କରିଥିଲି। ମୁଁ ଜାଣିନଥିଲି ଯେ ଏହା ଭାଇରାଲ୍ ହୋଇଯିବ।&rdquo;</p><p>ସେ ଆହୁରି କହିଛନ୍ତି,&lsquo;ବର୍ଷା ପ୍ରାୟ ୨୦ ମିନିଟ୍ ଧରି ହୋଇଥିଲା। କିନ୍ତୁ ସେହି ଟ୍ରାଫିକ୍ କନଷ୍ଟେବଳ ସେମିତି ଛିଡ଼ା ହୋଇଥାଆନ୍ତି ଓ ତାଙ୍କ କାମ କରୁଥାଆନ୍ତି। ବର୍ଷା ଛାଡ଼ିଯିବା ପରେ ଓ ରାସ୍ତାରେ ଭିଡ଼ କମି ଯିବା ସତ୍ତ୍ୱେ ସେ ସେଠାରେ ଅନେକ ସମୟ ଧରି ଛିଡ଼ା ହୋଇ ନିଜ କାର୍ଯ୍ୟ ସଂପାଦନ କରିଥିଲେ।&rdquo;</p><p>&lt;span style=&quot;color: #ff0000;&quot;&gt;ଟ୍ରାଫିକ୍ କନଷ୍ଟେବଳ କ&rsquo;ଣ କହିଛନ୍ତି ପଢ଼ନ୍ତୁ&lt;/span&gt;</p><p>ଟ୍ରାଫିକ୍ କନଷ୍ଟେବଳ ନନ୍ଦକୁମାର ଆଇଙ୍ଗଲ କହିଛନ୍ତି ଯେ ସେ ସନ୍ଧ୍ୟା ୭ଟାରୁ ରାତି ୧୧ଟା ପର୍ଯ୍ୟନ୍ତ ସେଠାରେ ରହିଥିଲେ ଓ ଟ୍ରାଫିକ୍ ନିୟନ୍ତ୍ରଣ କରିଥିଲେ। କେତେବେଳେ ତାଙ୍କ ଭିଡିଓ ଉତ୍ତୋଳନ କରାଗଲା ସେ ଜାଣି ନାହାଁନ୍ତି। ରାତି ସାଢ଼େ ୧୧ଟାରେ ସେ ଘରକୁ ଫେରିଥିଲେ। ଏ ଭାଇରାଲ୍ ଭିଡିଓ ସଂପର୍କରେ ତାଙ୍କ ସହକର୍ମୀମାନେ ତାଙ୍କୁ ଜଣାଇଥିଲେ।</p><p>ଆଇଙ୍ଗଲ କହିଛନ୍ତି ଯେ ସେ ଏକ ଚାଷୀ ପରିବାରରୁ ଆସିଛନ୍ତି। ତେଣୁ ବର୍ଷାରେ ଓଦା ହେବା ତାଙ୍କ ପାଇଁ କିଛି ନୂଆ ନୁହେଁ।</p><p>ତାଙ୍କର କର୍ତ୍ତବ୍ୟନିଷ୍ଠା ଦେଖି ଆସିଷ୍ଟାଣ୍ଟ ପୋଲିସ୍ କମିଶନର (ଉତ୍ତର) ଶକୁନ୍ତଳା ମିସ୍ତ୍ରୀ ତାଙ୍କୁ ସମ୍ମାନିତ କରିଛନ୍ତି।</p><p>ଦେଖନ୍ତୁ ଭିଡିଓ (ସୌଜନ୍ୟ- ମେଡିଆ ହାଉସ୍&zwnj;ସ୍ପଟ୍)</p><p>&amp;nbsp;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।