ଦେଶରେ ଆରୋଗ୍ୟ ହାର ୪୦%କୁ ବୃଦ୍ଧି, ଜାଣନ୍ତୁ କେତେ ସୁସ୍ଥ ହେଲେଣି

ନୂଆଦିଲ୍ଲୀ: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବା ବେଳେ ଆରୋଗ୍ୟ ହାର ମଧ୍ୟ ସେହି ଅନୁପାତରେ ବଢ଼ିବାରେ ଲାଗିଛି। ଏବେ ଦେଶରେ ଆରୋଗ୍ୟ ହାର ୪୦%କୁ ବୃଦ୍ଧି ପାଇଛି।

ଦେଶରେ ଆକ୍ରାନ୍ତଙ୍କ ସଂଖ୍ୟା ୧,୦୬,୭୫୦ ଥିବା ବେଳେ ଏମାନଙ୍କ ମଧ୍ୟରୁ ୪୨,୨୯୮ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଗତ ୨୪ ଘଣ୍ଟାରେ ୩ ହଜାରରୁ ଅଧିକ ଲୋକ ସୁସ୍ଥ ହୋଇଛନ୍ତି। ସେହିପରି ମୃତ୍ୟୁସଂଖ୍ୟା ୩୩୦୩କୁ ବୃଦ୍ଧି ପାଇଛି।

ଲକଡାଉନ ପୂର୍ବରୁ ଆରୋଗ୍ୟ ହାର ମାତ୍ର ୭% ରହିଥିଲା। ହେଲେ ଧୀରେଧୀରେ ଏହା ୩୯.୬%ରେ ପହଞ୍ଚି ଯାଇଥିବା କେନ୍ଦ୍ର ସରକାରରଙ୍କ ପକ୍ଷରୁ କୁହାଯାଇଛି।

ଗତ ୨୪ ଘଣ୍ଟାରେ ଦେଶର ସର୍ବାଧିକ ୧,୦୭,୬୦ଟି ନମୁନା ପରୀକ୍ଷା କରାଯାଇଛି। ଏମାନଙ୍କ ମଧ୍ୟରୁ ୫୬୧୧ ଜଣଙ୍କ ରିପୋର୍ଟ ପଜିଟିଭ ଆସିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।