ଅମରାବତୀ: ବିରୋଧ ପରେ ପଲଟିଲେ ଆନ୍ଧ୍ରପ୍ରଦେଶ ସରକାର। ଭାରତରତ୍ନ ଅବଦୁଲ କଲାମଙ୍କ ନାମରେ ଦିଆଯାଉଥିବା ‘ଏପିଜେ ଅବଦୁଲ କଲାମ ପ୍ରତିଭା ପୁରସ୍କାର’କୁ ‘ଓ୍ୱାଇଏସଆର ବିଦ୍ୟା ପୁରସ୍କାର’ ନାମରେ ପରିବର୍ତ୍ତନ କରିଥିଲେ ଆନ୍ଧ୍ର ପ୍ରଦେଶର ଜଗନ ରେଡ୍ଡୀ ସରକାର। ଗତକାଲି ଏ ନେଇ ଆନ୍ଧ୍ର ସରକାର ବିଜ୍ଞପ୍ତି ପ୍ରକାଶ କରିଥିଲେ। ଏହାପରେ ବିରୋଧୀ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କ ନିଷ୍ପତ୍ତିକୁ ସମାଲୋଚନା କରିଥିଲେ। ଏହାପରେ ଜଗନ ସରକାର ନିଷ୍ପତ୍ତି ବଦଳାଇଛନ୍ତି। ଶେଷରେ ‘ଏପିଜେ ଅବଦୁଲ କଲାମ ପ୍ରତିଭା ପୁରସ୍କାର’ ଦିଆଯିବ ବୋଲି ଆନ୍ଧ୍ର ସରକାର କହିଛନ୍ତି।
Dr. Kalam has accomplished much for the nation with his inspiring life. @ysjagan’s govt changing “APJ Abdul Kalam Pratibha Puraskar” to “YSR Vidya Puraskar” is a shocking method of self-aggrandizement at the cost of disrespecting a much venerated man. #YSRCPInsultsAbdulKalam pic.twitter.com/7lPaZddNZF
— N Chandrababu Naidu (@ncbn) November 5, 2019
ସୂଚନାଯୋଗ୍ୟ, ଓ୍ୱାଇଏସଆର ହେଉଛନ୍ତି ଜଗନଙ୍କ ବାପା ତଥା ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ। ରାଜ୍ୟରେ ଗୁଣାତ୍ମକ ଶିକ୍ଷାକୁ ପ୍ରୋତ୍ସାହନ ଦେବାକୁ ଯାଇ ଆନ୍ଧ୍ର ସରକାର ଏହି ପୁରସ୍କାର ପ୍ରତିବର୍ଷ ପ୍ରଦାନ କରି ଆସୁଛନ୍ତି। ଅବଦୁଲ କଲାମଙ୍କ ଜନ୍ମ ତାରିଖ ନଭେମ୍ୱର ୧୧ରେ ଏହି ପୁରସ୍କାର ଆନ୍ଧ୍ର ସରକାର ପ୍ରଦାନ କରିଥାନ୍ତି।
ପୂର୍ବତନ ମୁଖ୍ୟମନ୍ତ୍ରୀ ତଥା ତେଲୁଗୁ ଦେଶମ ପାର୍ଟିର ସଭାପତି ଚନ୍ଦ୍ରବାବୁ ନାଇଡୁ ଜଗନ ସରକାରଙ୍କ ଏହି ନିଷ୍ପତ୍ତିକୁ କଡ଼ା ସମାଲୋଚନା କରିଥିଲେ। ଟୁଇଟ୍ କରି ସେ କହିଥିଲେ, ଓ୍ୱାଇଏସଆର କଂଗ୍ରେସ ପାର୍ଟି ଅବଦୁଲ କଲାମଙ୍କୁ ଅସମ୍ମାନ କରିଛନ୍ତି। ଦେଶ ପାଇଁ କଲାମଙ୍କ ଅବଦାନ ଅତୁଳନୀୟ। ହେଲେ ଜଗନ କଲାମଙ୍କୁ ଅପମାନ କରିଛନ୍ତି ବୋଲି ନାଇଡୁ କହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
