ନୂଆଦିଲ୍ଲୀ: ୨୫ କଂଗ୍ରେସ ସାଂସଦଙ୍କ ନିଲମ୍ୱନ ପ୍ରତିବାଦରେ ଆଜି କ୍ରମାଗତ ତୃତୀୟ ଦିନ ଲାଗି କଂଗ୍ରେସ ସାଂସଦମାନେ ଗାନ୍ଧୀ ମୂର୍ତ୍ତି ତଳେ ଧାରଣାରେ ବସିଥିଲେ। ନିଲମ୍ୱନ ନିଷ୍ପତ୍ତିର ପ୍ରତିବାଦ କରି କଂଗ୍ରେସ ସାଂସଦମାନେ ପ୍ଲାକାର୍ଡ ପ୍ରଦର୍ଶନ କରିଥିଲେ। ଗତ ୩ ଦିନ ହେବ କଂଗ୍ରେସ ସାଂସଦମାନେ ଧାରଣା ଦେବା ସହ ଲୋକସଭାକୁ ବୟକଟ୍ କରିଛନ୍ତି। ସେପଟେ ସାଂସଦଙ୍କ ନିଲମ୍ୱନ ପ୍ରସଙ୍ଗକୁ ନେଇ ଆଜି ବି ରାଜ୍ୟସଭାରେ ବିରୋଧୀ ସଦସ୍ୟମାନେ ହଟ୍ଟଗୋଳ କରିଥିଲେ। ଫଳରେ ଉପାଧ୍ୟକ୍ଷ ଗୃହକୁ ପ୍ରଥମେ ଦିନ ୧୨ଟା ଓ ପରେ ଦିନ ୨ଟା ପର୍ଯ୍ୟନ୍ତ ମୁଲତବୀ ରଖିଛନ୍ତି।
ଏହାପୂର୍ବରୁ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂ ରାଜ୍ୟସଭାରେ ବୁଧବାର ଜମ୍ମୁର ଉଦ୍ଦାମପୁରରେ ହୋଇଥିବା ଆତଙ୍କବାଦୀ ଆକ୍ରମଣ ନେଇ ଆଜି ବିବୃତି ରଖିଥିଲେ। ଆକ୍ରମଣରେ ସାମିଲ ଆତଙ୍କବାଦୀ ଧରାପଡିବା ଓ ଏହାକୁ ଧରାଇଥିବା ଉଦ୍ଦାମପୁରର ଯୁବକଙ୍କୁ ରାଜନାଥ ପ୍ରଶଂସା କରିଥିଲେ। ଆକ୍ରମଣରେ ସହିଦ ଦୁଇ ଯବାନଙ୍କୁ ରାଜନାଥ ଶ୍ରଦ୍ଧାଞ୍ଜଳି ଦେବା ସହ ସେମାନଙ୍କ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
