ଅହମ୍ମଦାବାଦ: ସଂରକ୍ଷଣ ଦାବିରେ ପଟେଲ ରାଲି ଚଳାଇଥିବା ହାର୍ଦ୍ଦିକ ପଟେଲ ଆଜି ନୂଆ ଦାବି କରିଛନ୍ତି। ମୁଖ୍ୟମନ୍ତ୍ରୀ ଆନନ୍ଦିବେନ ପଟେଲ ଆନ୍ଦୋଳନ ସ୍ଥଳରେ ନ ପହଞ୍ଚିବା ପର୍ଯ୍ୟନ୍ତ ସେ ଏଠାରୁ ହଟିବେ ନାହିଁ ବୋଲି କହିଛନ୍ତି। ହାର୍ଦ୍ଦିକ କହିଛନ୍ତି, ମୁଖ୍ୟମନ୍ତ୍ରୀ ଆନ୍ଦୋଳନ ସ୍ଥଳରେ ପହଞ୍ଚିବା ପରେ ସେ ତାଙ୍କର ଦାବିପତ୍ର ଦେବେ। ଯଦି ମୁଖ୍ୟମନ୍ତ୍ରୀ ନ ଆସନ୍ତି ତେବେ ସେ ନିଜେ ଧାରଣାରେ ବସିବେ ବୋଲି ଚେତାବନୀ ଦେଇଛନ୍ତି। ଆନ୍ଦୋଳନରେ ପୂରା ଭାରତ ବର୍ଷରେ ୨୭ କୋଟି ଲୋକ ଅଛନ୍ତି। ୧୭୦ ଏମପି ଆମର ଥିବା ବେଳେ ବିହାର ଓ ଆନ୍ଧ୍ର ପ୍ରଦେଶର ମୁଖ୍ୟମନ୍ତ୍ରୀ ଆମର। ଆମେ କାହା ଅଧିକାର ହଡପ କରିବାକୁ ଚାହୁଁନାହୁଁ। ଆମେ ଆମ ଅଧିକାର ଦାବି କରୁଛୁ । ଆମକୁ ସଂରକ୍ଷଣ ଦେଇ ଦେଲେ ଆମେ ଆନ୍ଦୋଳନ ଶେଷ କରି ଦେବୁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
