ଚେନ୍ନାଇ: ଏଆଇଏଡିଏମ୍କେ ନେତ୍ରୀ ଜୟଲଳିତାଙ୍କ ମୃତ୍ୟୁ ପରେ ବିବାଦୀୟ ହୋଇପଡିଥିବା ତାଙ୍କ ସହଯୋଗୀ ଭି.କେ.ଶଶିକଳାଙ୍କ ଅଡୁଆ ତୁଟୁନି। ବିବାଦ ପରେ ବିବାଦରେ ସେ ଛନ୍ଦି ହୋଇପଡୁଛନ୍ତି। ଶଶିଙ୍କୁ ଆଉ ଏକ ଝଟ୍କା ଲାଗିଛି । ତାଙ୍କ ସହ ସମ୍ପୃକ୍ତ ସମ୍ପର୍କୀୟମାନଙ୍କ ବ୍ୟାଙ୍କ ଏକାଉଣ୍ଟ ସିଜ୍ କରିବାରେ ଲାଗିଛି ଅୟକର ବିଭାଗ । ଏହି କ୍ରମରେ ୧୦୦ଟି ଏକାଉଣ୍ଟ ଫ୍ରିଜ୍ କରିଦିଆଯାଇଛି।
ନିକଟରେ ଦୋଷୀ ସାବ୍ୟସ୍ତ ହୋଇଥିବା ଶଶିକଳାଙ୍କର ପୁତୁରା ତଥା ଜୟା ଟିଭି ଏମ୍ଡି ବିବେକ ଜୟରାମନଙ୍କ ଦ୍ୱାରା ପରିଚାଳିତ ହେଉଛି ବୋଲି କୁହାଯାଉଥିବା ଜାଲ୍ କମ୍ପାନିଗୁଡ଼ିକର ଉପରୋକ୍ତ ବ୍ୟାଙ୍କ୍ ଖାତାକୁ ଫ୍ରିଜ୍ କରାଯାଇଛି । ଶନିବାର ଏ ନେଇ ଆୟକର ବିଭାଗ ପକ୍ଷରୁ କୁହାଯାଇଛି। ନଗଦ ୬ କୋଟି ଟଙ୍କା ଏବଂ ସାଢ଼େ ଆଠ କିଲୋ ସୁନା ଏବଂ ୧୨୦୦ କୋଟି ଟଙ୍କାର ହିସାବ ରହିତ ଅର୍ଥ ବିନିଯୋଗର ଦଲିଲପତ୍ର ଜବତ କରାଯାଇଛି । ଶଶିକଳାଙ୍କର ଭାଇ ଭି ଦିବାଧରନଙ୍କ ମାଲିକାନାରେ ଥିବା ମାନ୍ନରଗୁଡ଼ିସ୍ଥିତ ମହିଳା କଲେଜର ଏକ ଅବ୍ୟବହୃତ ଛାତ୍ରୀନିବାସରୁ ମଧ୍ୟ ବହୁ ମୂଲ୍ୟବାନ ସାମଗ୍ରୀ ଉଦ୍ଧାର କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
