କୋଲକାତା: ବ୍ୟାଙ୍କରେ ଆମେ ପଇସା ରଖୁ। ଭାବୁ ଏଠି ଆମ ଅର୍ଥ ସୁରକ୍ଷିତ ରହିବ। ବ୍ୟାଙ୍କ ଉପରେ ଥାଏ ଆମର ସମ୍ପୁର୍ଣ୍ଣ ଭରସା। କିନ୍ତୁ ଥରେ ଭାବିଲେ ଯଦି ବ୍ୟାଙ୍କ୍ବାଲା ଚୋରି କରନ୍ତି, ତା ହେଲେ ଅବସ୍ଥା କ’ଣ ହେବ ?
କଥାରେ କୁହନ୍ତିନି, ‘ବାଡ଼ ଯଦି ଫସଲ ଖାଇବ ତେବେ ଦୋଷ ଦେବ କାହାକୁ।
ଠିକ୍ ସେମିତି ପରିସ୍ଥିତି ଉପୂଜିବ।
ଉପୁଜିବ କ’ଣ ଆଜ୍ଞା, ଉପୁଜିଛି।
କଲିକତାର ଏକ ଏସ୍ବିଆଇ ଶାଖାର ଜଣେ ବ୍ୟାଙ୍କ ମ୍ୟାନେଜର ଲୋକଙ୍କ ଟଙ୍କା ନେଇ ଚମ୍ପଟ ମାରିଛନ୍ତି। ଲକ୍ଷେ କି ୨ ଲକ୍ଷ ନୁହେଁ ପୂରାପୂରି ୮୪ଲକ୍ଷ ଟଙ୍କା ନେଇ ସେ ଛୁ। ୮୪ଲକ୍ଷ ଟଙ୍କାର କଏନ୍ ଚୋରି କରି ପଳାଇଥିବା ଏହି ବ୍ୟାଙ୍କ ମ୍ୟାନେଜର ବାବୁ ୮ବର୍ଷ ଧରି ଏଠାରେ କାମ କରୁଥିଲେ।
ଶନିବାର ସ୍ଥାନୀୟ ଅଦାଲତ ତାଙ୍କୁ ୫ ଦିନିଆ ପୁଲିସ୍ ରିମାଣ୍ଡରେ ପଠାଇଦେଇଛି । ଜଣେ ପୁଲିସ୍ ଅଧିକାରୀଙ୍କ ସୂଚନା ଅନୁଯାୟୀ, ଜାୟସୱାଲ ନିଜେ ତାଙ୍କ ଦୋଷ ସ୍ୱୀକାର କରିବା ସହ ସବୁ ଟଙ୍କା ଲଟେରୀ ଟିକେଟ୍ କିଣିବାରେ ଲଗାଇ ଦେଇଛନ୍ତି ବୋଲି ଅଦାଲତରେ ମାନିଛନ୍ତି ।