ନୂଆଦିଲ୍ଲୀ: କରୋନା ଲକଡାଉନ ଯୋଗୁ ବିଦେଶରେ ଫସି ରହିଥିବା ଭାରତୀୟଙ୍କୁ ଆଣିବା ପାଇଁ ସରକାର ଆରମ୍ଭ କରିଥିବା ବନ୍ଦେ ଭାରତ ମିଶନ ଆଗୁ ମଧ୍ୟ ଜାରି ରହିବ। ପ୍ରଥମ ପର୍ଯ୍ୟାୟ ମିଶନରେ ୬୪ଟି ବିମାନ ଓ ୩ଟି ଯୁଦ୍ଧ ଜାହାଜ ନିୟୋଜିତ ହୋଇଥିବା ବେଳେ ଦ୍ୱିତୀୟ ପର୍ଯ୍ୟାୟରେ ଏହି ସଂଖ୍ୟାକୁ ବୃଦ୍ଧି କରାଯିବ।
ଭାରତ ସରକାରଙ୍କ ନିଷ୍ପତ୍ତି ଅନୁଯାୟୀ, ଦ୍ୱିତୀୟ ପର୍ଯ୍ୟାୟ ବନ୍ଦେ ଭାରତ ମିଶନ ମେ’ ୧୬ରୁ ୨୨ ତାରିଖ ଯାଏ ଚାଲିବ। ଏହି ମିଶନରେ ୧୪୯ଟି ବିମାନ ସାମିଲ ହେବେ। ଫିଡର ଫ୍ଲାଇଟ ମଧ୍ୟ ଭାରତୀୟଙ୍କୁ ଉଦ୍ଧାର ପାଇଁ ନିୟୋଜିତ ହେବେ। ପ୍ରାୟ ୩୧ଟି ଦେଶରେ ଫସି ରହିଥିବା ଭାରତୀୟଙ୍କୁ ସ୍ୱଦେଶ ଅଣାଯିବ।
ପ୍ରଥମ ପର୍ଯ୍ୟାୟ ବନ୍ଦେ ଭାରତ ମିଶନ ମେ’ ୭ରୁ ଆରମ୍ଭ ହୋଇ ୧୩ ତାରିଖ ଯାଏ ଚାଲିବ। ଏହି ମିଶନରେ ଏକାଧିକ ରାଷ୍ଟ୍ରରେ ଫସିଥିବା ପ୍ରାୟ ୧୫ ହଜାର ଭାରତୀୟଙ୍କୁ ସ୍ୱଦେଶ ଅଣାଯିବାର ବ୍ୟବସ୍ଥା ହୋଇଛି। ପ୍ରାୟ ୮ରୁ ୯ ହଜାର ଲୋକ ଆଜି ସୁଦ୍ଧା ଭାରତରେ ପହଞ୍ଚି ସାରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।