ବିଚ୍ଛିନ୍ନତାବାଦୀ ନେତା ସବୀର ଶାହ ଅଟକ

ନୂଆଦିଲ୍ଲୀ: ଜମ୍ମୁ ଓ କାଶ୍ମୀର ବିଚ୍ଛିନ୍ନତାବାଦୀ ନେତା ସବୀର ଶାହ ଶନିବାର ନୂଆଦିଲ୍ଲୀରେ ପହଞ୍ଚିବା ମାତ୍ରେ ତାଙ୍କୁ ପୋଲିସ ହେପାଜତକୁ ନେଇଛି। ଶାହ ଦିନ ପ୍ରାୟ ୧୨ଟା ୪୫ ମିନିଟରେ ଇଣ୍ଡିଗୋର ଏକ ବିମାନରେ ଶ୍ରୀନଗରରୁ ଆସି ନୂଆଦିଲ୍ଲୀରେ ପହଞ୍ଚିଥିଲେ। ତେବେ ତାଙ୍କୁ ବିମାନବନ୍ଦର ବାହାରକୁ ଆସିବାକୁ ଦିଆଯାଇ ନ ଥିଲା। ଶାହ ଓ ତାଙ୍କ ସହିତ ଆସିଥିବା ଆଉ ଦୁଇଜଣଙ୍କୁ ପୋଲିସ ହେପାଜତକୁ ନେଇଥିଲେ। ପାକିସ୍ତାନର ଜାତୀୟ ସୁରକ୍ଷା ପରାମର୍ଶଦାତା ସରତାଜ୍ ଅଜିଜ୍ ଆସନ୍ତାକାଲି ଭାରତ ଆସିବାକୁ ଥିବାବେଳେ ତାଙ୍କୁ ସାକ୍ଷାତ କରିବାକୁ ଶାହ ନୂଆଦିଲ୍ଲୀରେ ପହଞ୍ଚିଛନ୍ତି। ତାଙ୍କୁ ପୁଣି ଶ୍ରୀନଗର ଫେରାଇ ଦିଆଯିବ ବୋ‍ଲି ଜଣାପଡିଛି।

ସୂଚନାଯୋଗ୍ୟ, ସରତାଜଙ୍କ ସହିତ ସାକ୍ଷାତ ଆଲୋଚନା କରିବାକୁ ବିଚ୍ଛିନ୍ନତାବାଦୀ ନେତାଙ୍କୁ ପାକିସ୍ତାନ ନୂଆଦିଲ୍ଲୀ ଆମନ୍ତ୍ରଣ କରିଛି। ଏହାକୁ ନେଇ ଦୁଇ ଦେଶ ମଧ୍ୟରେ ବିବାଦ ଦେଖାଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।