ସରିଗଲା ଶଶିଙ୍କ ଅଭିନୟ, ଶୋକାକୁଳ ବଲିଉଡ୍‌

ନୂଆଦିଲ୍ଲୀ: ସରିଗଲା ଅଭିନୟ। ଦିନେ ସେ ଚଳଚ୍ଚିତ୍ର ଜଗତରୁ ବିଦାୟ ନେଇଥିଲେ। ଆଉ ଆଜି ତାଙ୍କର ବାସ୍ତବ ଜୀବନରେ ଅଭିନୟର ଅନ୍ତ ଘଟିଛି। ସବୁ ଦିନ ପାଇଁ ନୀରବି ଯାଇଛି ତାଙ୍କ ଆକ୍ଟିଂର ଯାଦୁ।  ପ୍ରଖ୍ୟାତ ଅଭିନେତା ଶଶି କପୁରଙ୍କ ପରଲୋକ ହୋଇଯାଇଛି । ତାଙ୍କ ମୃତ୍ୟୁରେ ସାରା ବଲିଉଡ୍‌ରେ ଶୋକର ଛାୟା ଖେଳିଯାଇଛି। ମୁମ୍ବାଇରେ ୭୯ ବର୍ଷରେ ଶଶିଙ୍କ ନିଧନ ହୋଇଛି। ଦୀର୍ଘଦିନରୁ ଅସୁସ୍ଥ ଥିଲେ ଅଭିନେତା ଶଶି କପୁର। ୨୦୧୫ରେ ପଦ୍ମଭୂଷଣ ପାଇଥିଲେ ଶଶି ।

୧୬୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିବା ଶଶି ଦାଦା ସାହେବ ଫାଲକେ ସମ୍ମାନ ବି ପାଇଥିଲେ। ପୃଥ୍ୱୀରାଜ କପୁରଙ୍କ ସବା ସାନ ପୁଅ ଥିଲେ ଶଶି। ରାଜ କପୁର ଓ ସମ୍ମି କାପୁରଙ୍କ ସାନ ଭାଇ ହେଉଛନ୍ତି ଶଶି। ତାଙ୍କ ଅଭିନୀତି ଚଳଚ୍ଚିତ୍ର ମଧ୍ୟରେ ଦିୱାର, ସତ୍ୟମ ଶିବମ ସୁନ୍ଦରମ ଏବଂ କଭି କଭି ସିନେମା ଖୁବ୍ ଲୋକପ୍ରିୟ ଥିଲା। ସେ ଦୀର୍ଘ ଦିନରୁ ଅସୁସ୍ଥ ଥିଲେ। ଛାତିରେ ଅଧିକ ଯନ୍ତ୍ରଣା ଯୋଗୁ ୨୦୧୪ରୁ ସେ ହସପିଟାଲରେ ଚିକିତ୍ସିତ ହୋଇ ଆସୁଥିଲେ। ୧୯୩୮ରେ କୋଲକତାରେ ସେ ଜନ୍ମଗ୍ରହଣ କରିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।