[caption id="attachment_47667" align="alignleft" width="255"]
ପିଟର ମୁଖାର୍ଜୀ[/caption]
ମୁମ୍ବାଇ: ବହୁଚର୍ଚ୍ଚିତ ଶୀନା ବୋରା ହତ୍ୟା ମାମଲାରେ ଗିରଫ ପୂର୍ବତନ ମିଡିଆ ବାରୋନ୍ ପିଟର ମୁଖାର୍ଜୀଙ୍କୁ ରିମାଣ୍ଡରେ ନେଲା ସିବିଆଇ। ଗତକାଲି ରାତିରେ ସିବିଆଇ ତାଙ୍କୁ ଗିରଫ କରିଥିଲା। ଆଜି ପିଟରଙ୍କୁ ମୁମ୍ୱାଇର ଏକ କୋର୍ଟରେ ହାଜର କରି ରିମାଣ୍ଡରେ ନେବା ଲାଗି ଆବେଦନ କରିଥିଲା ଏହି କେନ୍ଦ୍ରୀୟ ତଦନ୍ତକାରୀ ଏଜେନ୍ସି। ତେବେ କୋର୍ଟ ତାଙ୍କୁ ସୋମବାର ପର୍ଯ୍ୟନ୍ତ ରିମାଣ୍ଡରେ ନେବାକୁ ଅନୁମତି ଦେଇଛନ୍ତି। ଶୀନାଙ୍କ ହତ୍ୟା ଷଡଯନ୍ତ୍ରରେ ପିଟର ମଧ୍ୟ ସାମିଲ ଥିଲେ ଏବଂ ସେ ଏଥିରେ ସକ୍ରିୟ ଭୂମିକା ଗ୍ରହଣ କରିଥିଲେ ବୋଲି ସିବିଆଇ ଓକିଲ ଅଦାଲତଙ୍କୁ ଜଣାଇଛନ୍ତି। ହତ୍ୟା ସମୟରେ ଓ ପରେ ପିଟର, ନିଜ ପତ୍ନୀ ଇନ୍ଦ୍ରାଣୀ ମୁଖାର୍ଜୀଙ୍କ ସହ ଲଗାତର ଯୋଗାଯୋଗରେ ଥିଲେ ବୋଲି ସିବିଆଇ ଜଣାଇଛି । ଶୀନାଙ୍କୁ ହତ୍ୟା କରି ମୃତଦେହ ନଷ୍ଟ କରିବା ଅଭିଯୋଗରେ ପୋଲିସ ଇନ୍ଦ୍ରାଣୀ, ତାଙ୍କ ପୂର୍ବତନ ସ୍ୱାମୀ ସଞ୍ଜୀବ ଖାନ୍ନା ଓ ଡ୍ରାଇଭର ଶ୍ୟାମ ରାୟଙ୍କୁ ଗିରଫ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
