ରାଞ୍ଚି: ମହାରାଷ୍ଟ୍ରରେ ଶିବସେନା, ଏନ୍ସିପି ଏବଂ କଂଗ୍ରେସ ମଧ୍ୟରେ ହେବାକୁ ଥିବା ମେଣ୍ଟ ସରକାର ସୁବିଧାବାଦୀ ବୋଲି କେନ୍ଦ୍ରମନ୍ତ୍ରୀ ତଥା ବରିଷ୍ଠ ବିଜେପି ନେତା ନୀତୀନ ଗଡ଼କରୀ କହିଛନ୍ତି। ସେ ଆହୁରି ମଧ୍ୟ କହିଛନ୍ତି, ସେମାନେ ମହାରାଷ୍ଟ୍ରରେ ଯଦି ସରକାର କରନ୍ତି, ଏହା ୬-୮ ମାସ ମଧ୍ୟ ତିଷ୍ଠିବନି।
ସେ ଝାରଖଣ୍ଡ ବିଧାନସଭା ନିର୍ବାଚନ ପ୍ରଚାରରେ ଯୋଗଦେବା ସମୟରେ ଏକ ସାକ୍ଷାତକାରରେ କହିଛନ୍ତି, ବିଚାରଗତ ଭାବେ ଭିନ୍ନ ଭିନ୍ନ ଏହି ଦଳ ସବୁ ବିଜେପିକୁ କ୍ଷମତାରୁ ଦୂରେଇ ରଖିବା ପାଇଁ ଏଭଳି ମେଣ୍ଟ କରିଛନ୍ତି। ଏହା ଦୁର୍ଭାଗ୍ୟଜନକ।
ସେ କହିଛନ୍ତି, ଏହି ମେଣ୍ଟର ଭିତ୍ତି ହେଉଛି ସୁବିଧାବାଦ। ଏହି ୩ ଦଳ ମେଣ୍ଟ କରିପାରିବେ କି ନା ମୋର ସନ୍ଦେହ ହେଉଛି। ଯଦି ବି ମେଣ୍ଟ ହୁଏ, ଏହା ୬ରୁ ୮ ମାସ ତିଷ୍ଠିବ କି ନା ସନ୍ଦେହ।
ତେବେ ମେଣ୍ଟ ଭାଙ୍ଗିଲେ ବିଜେପି ସରକାର କରିବ କି ନା ପଚରାଯିବାରୁ ସେ କହିଥିଲେ, କ୍ରିକେଟ୍ ଏବଂ ରାଜନୀତିରେ କିଛି ବି ହୋଇପାରେ। ଯଦି ସ୍ଥିତି ସେପରି କିଛି ହୁଏ, ଦଳ ଭବିଷ୍ୟତର କାର୍ଯ୍ୟପନ୍ଥା ନିର୍ଦ୍ଧାରଣ କରିବ। ସେ ଏହି ଅବସରରେ ପ୍ରଶ୍ନ କରିଥିଲେ, ବୁଝ ହେଉନି ବିଚାରଗତ ପାର୍ଥକ୍ୟ ସତ୍ତ୍ୱେ କାହିଁକି ଏହି ୩ ଦଳ ମେଣ୍ଟ ପାଇଁ ରାଜି ହେଉଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
