ଆଉ କିଛି ଘଣ୍ଟା ପରେ ଦେଶରେ ଲାଗୁ ହୋଇଯିବ ଜିଏସ୍ଟି। ଏଥିପାଇଁ ଅବଗନନା ଆରମ୍ଭ ହୋଇଗଲାଣି। ତେବେ ଜିଏସ୍ଟି ଆସିବା ପୂର୍ବରୁ ଲୋକ ଭବିଷ୍ୟ ନିଧି (ପିପିଏଫ୍), କିସାନ ବିକାଶ ପତ୍ର ଓ ସୁକନ୍ୟା ସମୃଦ୍ଧି ଯୋଜନା ନିବେଶକାରୀଙ୍କୁ ଝଟକା ଲାଗିଛି। କାରଣ ଏହି ଯୋଜନାଗୁଡିକ ଉପରେ ସରକାର ୦.୧ ପ୍ରତିଶତ ସୁଧ କମାଇ ଦେଇଛନ୍ତି।
ବର୍ତ୍ତମାନ ପର୍ଯ୍ୟନ୍ତ ପିପିଏଫ୍ରେ ୭.୯ ପ୍ରତିଶତ, କିସାନ ବିକାଶ ପତ୍ରରେ ୭.୬ ପ୍ରତିଶତ ଓ ସୁକନ୍ୟା ସମୃଦ୍ଧି ଯୋଜନାରେ ୮.୪ ପ୍ରତିଶତ ସୁଧ ମିଳୁଥିଲା। ୦.୧ ପ୍ରତିଶତ ସୁଧ କମିବା ପରେ ଏବେ ପିପିଏଫ୍ରେ ୭.୮, କିସାନ ବିକାଶ ପତ୍ରରେ ୭.୫ ଓ ସୁକନ୍ୟା ସମୃଦ୍ଧି ଯୋଜନାରେ ୮.୩ ପ୍ରତିଶତ ସୁଧ ମିଳିବ।
ଅର୍ଥ ମନ୍ତ୍ରାଳୟ ନୋଟିଫିକେସନ ଅନୁସାରେ କିସାନ ବିକାଶ ପତ୍ରରେ ୭.୫ ପ୍ରତିଶତ ସୁଧ ମିଳିବ ଓ ଏହା ୧୧୫ ମାସରେ ମାଚ୍ୟୁର ହେବ।
ସରକାରଙ୍କ ଏହି ପଦକ୍ଷେପକୁ କିଛି ରାଜନୈତିକ ଉଦ୍ଦେଶ୍ୟ ପ୍ରଣୋଦିତ କହୁଥିବା ବେଳେ ଆଉ କିଛି ଏହାକୁ ସରକାରଙ୍କ ସାହାସିକ ପଦକ୍ଷେପ ବୋଲି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
