ନୂଆଦିଲ୍ଲୀ: ସୁଇଚ୍ ଅନ୍ ଅବସ୍ଥାରେ ସ୍ମାର୍ଟ ଫୋନ୍ ମନୁଷ୍ୟର ମସ୍ତିଷ୍କ ପ୍ରତି ପ୍ରତିକୂଳ ପ୍ରଭାବ ପକାଇ ଥାଏ। ଆମେ ବିଭିନ୍ନ ସମୟରେ ଏ ସଂପର୍କରେ ଲେଖା ପଢ଼ିଛେ। କିନ୍ତୁ ଏବେ ଗବେଷଣାରୁ ଆଉ ଏକ ନୂଆ କଥା ଜଣାପଡ଼ିଛି। କେବଳ ସୁଇଚ୍ ଅନ୍ ନୁହେଁ, ସୁଇଚ୍ ଅଫ୍ ଅବସ୍ଥାରେ ମଧ୍ୟ ସ୍ମାର୍ଟ ଫୋନ୍ ମସ୍ତିଷ୍କ ଉପରେ ପ୍ରତିକୂଳ ପ୍ରଭାବ ପକାଏ। ଗବେଷଣାରେ କୁହାଯାଇଛି ସୁଇଚ୍ ଅଫ୍ ଥିବା ସ୍ମାର୍ଟ ଫୋନ୍ ମସ୍ତିଷ୍କର ଅତି ନିକଟରେ ଥିଲେ ପ୍ରତିକୂଳ ପ୍ରଭାବ ପକାଇଥାଏ। ଆମେରିକାର ଟେକ୍ସାସ ବିଶ୍ୱବିଦ୍ୟାଳୟର ମେକ୍କାମ୍ବ ସ୍କୁଲ୍ ଅଫ୍ ବିଜନେସ୍ ପକ୍ଷରୁ ଏହି ଗବେଷଣା କରାଯାଇଥିଲା।
ଗବେଷକମାନେ କହିଛନ୍ତି, ଦୁଇଟି ପୃଥକ ପୃଥକ ଗବେଷଣାରୁ ଜଣାପଡ଼ିଛି ଯେ କୌଣସି ବ୍ୟକ୍ତି ବାରମ୍ବାର ତାଙ୍କ ସ୍ମାର୍ଟ ଫୋନ୍ ଚେକ୍ କରୁ ନ ଥିଲେ ମଧ୍ୟ ପ୍ରତିକୂଳ ପ୍ରଭାବର ଶିକାର ହୋଇଥାଆନ୍ତି। ପାଖରେ ସ୍ମାର୍ଟ ଫୋନ୍ର କେବଳ ଉପସ୍ଥିତି ବି ମସ୍ତିଷ୍କ ଉପରେ ଖରାପ ପ୍ରଭାବ ପକାଇ ଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
