ନୂଆଦିଲ୍ଲୀ: କେନ୍ଦ୍ର ମହିଳା ଓ ଶିଶୁ କଲ୍ୟାଣ ଏବଂ ଟେକ୍ସଟାଇଲ ମନ୍ତ୍ରୀ ସ୍ମୃତି ଇରାନୀ ତାଙ୍କ ଇନ୍ଷ୍ଟାଗ୍ରାମ ପୋଷ୍ଟକୁ ନେଇ ସର୍ବଦା ଚର୍ଚ୍ଚାରେ ରହି ଆସୁଛନ୍ତି। ସ୍ମୃତିଙ୍କ ଇନ୍ଷ୍ଟାଗ୍ରାମକୁ ୫ ଲକ୍ଷ ଲୋକ ଅନୁସରଣ କରୁଛନ୍ତି। ସେମାନଙ୍କୁ ସ୍ମୃତି ସର୍ବଦା ବିଭିନ୍ନ ଫଟୋ, ମିମ ଏବଂ ଲେଖା ଦ୍ୱାରା ଏଣ୍ଟରଟେନ୍ କରିଥିବାର ନଜିର ରହିଛି। ଆଜି ସକାଳେ କିନ୍ତୁ ସ୍ମୃତି ଯେଉଁ ଫଟୋ ପୋଷ୍ଟ କରିଛନ୍ତି, ତାହା ସୋଶାଲ୍ ମିଡିଆରେ ଭାଇରାଲ ହେବାରେ ଲାଗିଛି। ଅତୀତ ଓ ବର୍ତ୍ତମାନର ସ୍ମୃତି ଇରାନୀଙ୍କ ମଧ୍ୟରେ ଥିବା ପାର୍ଥକ୍ୟକୁ ସେ ଫଟୋରେ ଦର୍ଶାଇଛନ୍ତି। ସ୍ମୃତି ଇରାନୀ ତାଙ୍କ ପୂରୁଣା ଫଟୋ ସହ ବିଜେପି ସାଂସଦ ଦର୍ଶନ ଜରଦୋଶଙ୍କ ଫଟୋ ମଧ୍ୟ ଛାଡ଼ିଛନ୍ତି।
ଗୋଟିଏ ଫଟୋ ଅତୀତର ହୋଇଥିବା ବେଳେ ଅନ୍ୟଟି ଏବେକାର ବୋଲି ଜଣାପଡ଼ିଛି । ଏହି ପୋଷ୍ଟରେ ସ୍ମୃତି ଲେଖିଛନ୍ତି ଯେ 'କ୍ୟା ସେ କ୍ୟା ହୋ ଗୟା ଦେଖତେ ଦେଖତେ'। ଏହି ପୋଷ୍ଟକୁ ବର୍ତ୍ତମାନ ସୁଦ୍ଧା ୬୦ ହଜାର ଲାଇକ୍ ମିଳିଥିବା ବେଳେ ଶହଶହ ସଂଖ୍ୟାରେ ଶେୟାର ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
