ଜମ୍ମୁ: ନଭେମ୍ବର ୨୪ ତାରିଖ ସୁଦ୍ଧା ଜମ୍ମୁରେ ଥିବା ବୈଷ୍ଣୋ ଦେବୀ ମନ୍ଦିରକୁ ଯିବାକୁ ନୂଆ ରାସ୍ତା ନିର୍ମାଣ ପାଇଁ ପ୍ରସାଶନକୁ ଜାତୀୟ ଗ୍ରୀନ୍ ଟ୍ରିବ୍ୟୁନାଲ୍ ନିର୍ଦ୍ଦେଶ ଦେଇଥିଲା ବେଳ ସୁପ୍ରିମ୍କୋର୍ଟ ଏହା ଉପରେ ସୋମବାର ରହିତାଦେଶ ଲଗାଇଛନ୍ତି । ଏତେ କମ୍ ସମୟରେ ରାସ୍ତା ନିର୍ମାଣ ହୋଇପାରିବା ନେଇ ଆଶଙ୍କା ଦର୍ଶାଇ ମନ୍ଦିର ବୋର୍ଡ ପକ୍ଷରୁ ସର୍ବୋଚ୍ଚ ଅଦାଲତକୁ କୁହାଯିବା ପରେ ବିଚାରପତି ଏମ୍ କେ ଲୌକର ଏବଂ ଦୀପକ ଗୁପ୍ତାଙ୍କ ଖଣ୍ଡପୀଠରେ ଏହି ନିଷ୍ପତ୍ତି ନେଇଛନ୍ତି। ମନ୍ଦିର ବୋର୍ଡ ପକ୍ଷରୁ ରାସ୍ତା ନିର୍ମାଣ କାର୍ଯ୍ୟ ଆରମ୍ଭ ହୋଇଯାଇଛି ଓ ଏହା ଫେବ୍ରୁଆରି ମାସ ଶେଷ ସୁଦ୍ଧା ସରିବ ବୋଲି କୁହାଯାଇଛି।
ତେବେ, ଏନ୍ଜିଟି ପକ୍ଷରୁ ଏହି ରାସ୍ତା ନିର୍ମାଣ ନିର୍ଦ୍ଦେଶ ବ୍ୟତୀତ ନିକଟରେ ଅନ୍ୟ ଏକ ଗୁରୁତ୍ୱପୂର୍ଣ୍ଣ ଘୋଷଣା ମଧ୍ୟ କରାଯାଇଥିଲା। ବୈଷ୍ଣୋ ଦେବୀ ମନ୍ଦିରକୁ ଦିନକୁ ସର୍ବାଧିକ ୫୦,୦୦୦ ଭକ୍ତଙ୍କୁ ଦର୍ଶନ ମିଳିବ ବୋଲି ନିକଟରେ କୁହାଯାଇଥିଲା। ନିର୍ମାଣାଧୀନ ରାସ୍ତା ତିଆରି ସାରିବା ପରେ ସେହି ରାସ୍ତାରେ ଘୋଡା, ଖଚର ଓ ଗଧ ଆଦିଙ୍କୁ ଯିବାକୁ ଦିଆଯିବ ନାହିଁ ବୋଲି କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
