ନୂଆଦିଲ୍ଲୀ: ଟ୍ରେନ୍ରେ ଦିଆଯାଉଥିବା ଚା’ ଓ କଫିର ମୂଲ୍ୟ ୭ ଟଙ୍କାରୁ ୧୦ ଟଙ୍କାକୁ ବୃଦ୍ଧି କରିଛି ଭାରତୀୟ ରେଳବାଇ। ଟ୍ରେନ୍ରେ ଦିଆଯାଉଥିବା ମିଲ୍ସର ମେନୁ ଓ ଟାରିଫକୁ (tariff) ସମୀକ୍ଷା କରିବା ପରେ ଆଇଆରସିଟିସି (IRCTC) ଏହି ମୂଲ୍ୟ ବୃଦ୍ଧି କରିଛି।
ରେଲୱେ ବୋର୍ଡ ପକ୍ଷରୁ ଜାରି ହୋଇଥିବା ସର୍କ୍ୟୁଲାରରେ ଉଲ୍ଲେଖ କରାଯାଇଛି ଯେ, ଚା’ ଓ କଫିର ମୂଲ୍ୟ ସଂଶୋଧିତ ହୋଇ ୧୦ ଟଙ୍କା କରାଯାଇଛି। କିନ୍ତୁ, ଷ୍ଟାଣ୍ଡାର୍ଡ ଚା ( ଡିପ୍ ଡିପ୍ ଚା' ନୁହେଁ) ୫ ଟଙ୍କାରେ ମିଳିବ। ସେହି ଅନୁସାରେ ଲାଇସେନ୍ସର ଦର ପରିବର୍ତ୍ତନ କରି ସଂଶୋଧିତ ଦର୍ ଲାଗୁ କରିବାକୁ ବୋର୍ଡ କହିଛି ।
ପ୍ରାୟ ୩୫୦ ଟ୍ରେନରେ ଆଇଆରସିଟିସିର ପ୍ୟାନଟ୍ରି କାର୍ ରହିଛି। ରାଜଧାନୀ ଓ ଶତାବ୍ଦୀ ଏକ୍ସପ୍ରେସ ଟ୍ରେନରେ ଖାଦ୍ୟ ପ୍ୟାକେଟ୍ ପ୍ରିପେଡ୍ ଥିବାରୁ ତାହାର ମୂଲ୍ୟ ପରିବର୍ତ୍ତନ କରାଯିବ ନାହିଁ ବୋଲି ନିଷ୍ପତ୍ତି ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
