ନୂଆଦିଲ୍ଲୀ: ଆମେରିକା ଟେକ୍ସାସ୍ର ଏକ ଚର୍ଚ୍ଚରେ ପୁଣି ଭୟଙ୍କର ଗୁଳିକାଣ୍ଡ। ପ୍ରାର୍ଥନା ଲାଗି ଲୋକେ ଚର୍ଚ୍ଚକୁ ଆସିଥିବା ବେଳ ଜଣେ ଆତତାୟୀ ସେମାନଙ୍କ ଉପରେ ଆଖିବୁଜା ଗୁଳି ଚାଳନା କରିଛି । ଏଥିରେ ୨୬ ଜଣଙ୍କ ମୃତ୍ୟୁ ହୋଇଛି। ୨୦ରୁ ଅଧିକ ଆହତ ହୋଇଛନ୍ତି। ଟେକ୍ସାସ୍ ଗଭର୍ଣ୍ଣର କହିଛନ୍ତି, ରାଜ୍ୟରେ ଆଗରୁ ଏପରି କେବେ ଗୁଳିକାଣ୍ଡ ହୋଇ ନ ଥିଲା। ଏଫବିଆଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଏହା କୌଣସି ଆତଙ୍କବାଦୀ କର୍ଯ୍ୟକଳାପ କି ନୁହେଁ, ସେ ଦିଗରେ ମଧ୍ୟ ଯାଞ୍ଚ କରାଯାଉଛି ।
ରିପୋର୍ଟ ଅନୁସାରେ ଚର୍ଚ୍ଚରେ ପ୍ରାର୍ଥନା ଲାଗି ପ୍ରାୟ ୫୦ ଜଣ ଏକାଠି ହୋଇଥିଲେ। ଏହି ସମୟରେ ବନ୍ଧୁକଧାରୀ ଜଣକ ସେଠାକୁ ଆସିଥିଲା ଏବଂ କେହି ସତର୍କ ହେବା ପୂର୍ବରୁ ଆଖିବୁଜା ଗୁଳି ଚାଳନା କରିଥିଲା। ଏବେ ଜାପାନ ଗସ୍ତରେ ଥିବା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମୃତକଙ୍କୁ ଶ୍ରଦ୍ଧାଞ୍ଜଳି ଦେବା ସହିତ ସଂପର୍କୀୟଙ୍କୁ ସମବେଦନା ଜଣାଇଛନ୍ତି। ପ୍ରାୟ ମାସେ ତଳେ ଭେଗାସରେ ଏକ ମ୍ୟୁଜିକ କନସର୍ଟରେ ଏପରି ଆଖିବୁଜା ଗୁଳି ଚାଳନା ହେବାରୁ ୫୮ ଜଣ ଲୋକଙ୍କ ମୃତ୍ୟୁ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
