ପାଟନା: ଚୋରି କରିବା ପରେ ଚାଲିଯିବା ପୂର୍ବରୁ ଘରମାଲିକଙ୍କ ପତ୍ନୀଙ୍କ ପ୍ରତି କୃତଜ୍ଞତା ଜଣାଇଲେ ଚୋର। ଏଭଳି ଘଟଣା ଘଟିଛି ବିହାରର ପାଟନାରେ। ସୋମବାର ବହୁମୂଲ୍ୟ ସମ୍ପତ୍ତି ଚୋରି କରିବା ପରେ ଚୋର ଏଭଳି ଅଜବ କାଣ୍ଡ ଭିଆଇଛନ୍ତି।
ପୁଲିସ୍ କହିଛି ଚୋରମାନେ ୫ରୁ ୬ ଜଣ ଥିଲେ। ସେମାନେ ବ୍ୟବସାୟୀ ପରିତୋଷ ସିହ୍ନାଙ୍କ ଘରେ ମଧ୍ୟରାତ୍ରିରେ ଚୋରି ପାଇଁ ପଶିଥିଲେ। ୨ ଘଣ୍ଟାର ଚୋରି ପରେ ସେମାନେ ପ୍ରାୟ ୫୦ ଲକ୍ଷ ଟଙ୍କାର ସମ୍ପତ୍ତି ନେଇଯାଇଥିଲେ। କିନ୍ତୁ ଏହା ପୂର୍ବରୁ ଯାହା କରିଥିଲେ ସେଥିରେ ଯିଏ ବି ଶୁଣୁଛି ମୁଣ୍ଡରେ ହାତ ଦେଉଛି।
ସେମାନେ ଡ୍ରେସିଂ ଟେବଲ୍ର ଦର୍ପଣରେ ଲେଖିଦେଇଥିଲେ, ‘ଭାଉଜ ତୁମେ ବହୁତ ବଢ଼ିଆ ଧନ୍ୟବାଦ’। ଏପରିକି ଫ୍ରିଜ୍ରେ ଥିବା ମିଠା ମଧ୍ୟ ଖାଇଦେଇଥିଲେ।