ପୋଲିସ୍ ଭୟରେ ଆତ୍ମସମର୍ପଣ କଲେ ୩ ମାଓବାଦୀ

<p>ବିଶାଖାପାଟଣା: ବିଶାଖାପାଟଣାର କୋୟୁର ଅଞ୍ଚଳର ୩ ଜଣ ମାଓବାଦୀ ନରସିପାଟନମ୍ ଥାନାରେ ଆତ୍ମସମର୍ପଣ କରିଛନ୍ତି।&nbsp; ପୋଲିସ ଭୟରେ ଏମାନେ ଆତ୍ମସମର୍ପଣ କରିଥିବା ନରସିପାଟନମ୍ ଥାନା ଅଧିକାରୀ ଆଇ. ରେସ୍ତୋଗୀଙ୍କ ନିକଟରେ ପ୍ରକାଶ କରିଛନ୍ତ॥ ଆତ୍ମସମର୍ପଣ କରିଥିବା ମାଓବାଦୀ ମାନେ ହେଲେ ୩୩ ବର୍ଷୀୟ ଏମ.ଗୋପାଳ ରାଓ, ୨୩ ବର୍ଷୀୟ ଭି.ଆପ୍ପନ, ୨୪ ବର୍ଷୀୟ କେ.ସୀତାରାମ। ଏମାନେ ସମସ୍ତେ କୋୟୁର ପଞ୍ଚାୟତର ବାସିନ୍ଦା। ୩ ବର୍ଷ ପୂର୍ବେ ଏମାନେ ଆନ୍ଧ୍ର-ଓଡିଶା ନକ୍ସଲ ଦଳମ୍&zwnj;ରେ ଯୋଗ ଦେଇଥିଲେ। ପୋଲିସ ଗୁଳିରେ ନିହତ ହୋଇଥିବା ମାଓନେତା ରବି, ଆଜାଦ ଓ ଜାମ୍ବରୀ, ଏମାନଙ୍କୁ ହତ୍ୟା ଧମକ ଦେଇ ଦଳରେ ସାମିଲ କରାଇଥିଲେ।&nbsp; ଭୟରେ ଏମାନେ ମାଓ ସଂଗଠନରେ ସାମିଲ ହୋଇଥିଲେ ବୋଲି ପୋଲିସ ନିକଟରେ ପ୍ରକାଶ କରିଛନ୍ତି।</p> <p>ଯେଉଁମାନେ ଏମାନଙ୍କୁ ଦଳରେ ସାମିଲ କରାଇଥିଲେ ସେମାନେ ପୋଲିସ ଗୁଳିରେ ପ୍ରାଣ ହରାଇଛନ୍ତି। ଏହାଛଡା ଉଭୟ ରାଜ୍ୟର ପୋଲିସ, ମାଓ ଉପଦ୍ରୁବ ଅଞ୍ଚଳରେ କମ୍ବିଂ ଅପରେସନକୁ ଜୋରଦାର କରିଛନ୍ତି। ତେଣୁ ଭୟରେ ଏମାନେ ଆତ୍ମସମର୍ପଣ କରିଛନ୍ତି ବୋଲି ପୋଲିସ୍ ଆଗରେ କହିଛନ୍ତି।</p> <p>ଏମାନେ&nbsp; ମାଓବାଦୀଙ୍କ ପାଇଁ ନକ୍ସା ପ୍ରସ୍ତୁତ କରିବା, ରାସ୍ତା ଦେଖାଇବା, ପ୍ରଜାମେଳିର ଆୟୋଜନ କରିବା, ଖବର ଦିଆନିଆ କରିବା ଓ ପୋଲିସର ଗତିବିଧି ଉପରେ ନଜର ରଖି ସୂଚନା ପ୍ରଦାନ କରିବା କାମ କରୁଥିଲେ।</p> <p>[vc_video link=&quot;&quot; align=&quot;center&quot;]</p>