ରାୟପୁର: ଶନିବାର ନକ୍ସଲ ପ୍ରବଣ ଛତିଶଗଡ଼ର ସୁକ୍ମା ଜିଲ୍ଲାରେ ସୁରକ୍ଷା କର୍ମୀଙ୍କ ଗୁଳିରେ ୩ ନକ୍ସଲ ନିପାତ ହୋଇଛନ୍ତି। ଶନିବାର ସନ୍ଧ୍ୟାରେ ହିଁ ଏଭଳି ଘଟଣା ଘଟିଛି।
ତଡ୍ମେଟାଲ-ମୁକ୍ରାମ୍ ନୁଲ୍ଲା ଜଙ୍ଗଲରେ ସନ୍ଧ୍ୟା ୬ଟା ବେଳକୁ ଏଭଳି ଗୁଳି ବିନିମୟ ହୋଇଥିଲା। ଚିନ୍ତାଲନାର ଥାନା ଅଞ୍ଚଳରେ ଏଭଳି ଘଟଣା ଘଟିଥିଲା। ଜିଲ୍ଲା ରିଜର୍ଭ ଗାର୍ଡ ପକ୍ଷରୁ ପ୍ୟାଟ୍ରୋଲିଂ ସମୟରେ ଏଭଳି ଘଟଣା ଘଟିଥିଲା ବୋଲି ଡିଆଇଜି (ନକ୍ସଲ ନିରୋଧୀ ଅପରେସନ୍) ସୁନ୍ଦରରାଜ ପି ସୂଚନା ଦେଇଛନ୍ତି।
ତଡ୍ମେଟାଲ ନିକଟରେ ନକ୍ସଲ ଏକ ରାସ୍ତା ଖୋଳି ଦେଇଥିବା ଅଭିଯୋଗ ହେବାପରେ ସୁରକ୍ଷା କର୍ମୀ ଏହି ଅଞ୍ଚଳରେ ଅପରେସନ୍ କରିଥିଲେ।